Bahda Gobanimonews iyo Masuuliyiin kale oo Tacsi u diraya"
Hargeysa(GNA)-Alle ha u Naxariistee waxa Cisbitaalka guud ee Magaalada Hargeysa ku Geeriyooday Maanta Xoghayihii Gobolka buuhoodle ee Somaliland Maxamed Cali Suudi oo halkaasi muddo todobaad ah Xanuun u jiifay.
Maxamed Cali Suudi ayaa todobaadkii hore laga soo qaaday Magaalada Burco, ka dib markii uu xanuun ku soo boodo ahi ku dhacay.
Muddo ka badan shan sanadood ayuu ahaa xoghayaha gobolka Buuhoodle, waxaanu markii hore ahaa Xoghayaha Degmada Qurulugud.
Dhamaan Hawl-wadeenada Gobanimonews meel kasta oo ay joogaanba waxay tacsi u dirayaan Eheladii, qaraabadii, Qoyska iyo bulshada uu ka baxay, waxaanay marxuumka Ilaahay uga baryayaan inuu Naxariistii Janada ka waraabiyo, intii uu ka baxayna Samir iyo Iimaan ka siiyo.
Dhanka kale, Wasiirka Madaxtooyada JSL Mudane, Xirsi Cali Xaaji Xasan
2. Af-hayeenka Madaxtooyada JSL, Mudane, Axmed Saleebaan (dhuxul)
3. Agaasimaha Guud ee Madaxtooyada JSL, Mudane Xasan Cabdi Madar
4. Wasiiru-dawlaha Madaxtooyada JSL, Mudane Maxamed Muuse Abees
5. Wasiiru-dawlaha Arrimaha Bariga Mudane Cali Sandule
6. Xog-hayaha Gaar ah ee Madaxweynaha JSL, Mudane, Cali Axmed Cali
7. Agaasimaha Protocol-ka Madaxtooyada JSL Mudane Cabdiraxmaan Maxamed Ibraahim (Saqadhi)
8. Agaasimaha Maamulka Shaqaalaha Madaxtooyada JSL Mudane, Maxamuud Cabdilaahi Xarbi
9. Agaasimaha Maamulka Xisaabaadka Madaxtooyada JSL Mudane Maxamed Xirsi Xasan (Digaale)
10. Xog-hayaha gaarka ah ee madaxweyne ku xigeenka JSL, Mudane, Cali Xuseen Nuur
11. Xoghayaha Xafiiska Afhayeenka Madaxtooyada JSL, Naasir Yuusuf Daahir
12. Taliyaha Ciidanka Ilaalada Madaxtooyada JSL, G. Faysal Kamiil Ciise
Dhamaan masuuliyiinta Madaxtooyada JSL, iyo shaqaalahoodu waxay tacsi tiiraanyo leh u dirayaan Cabdilaahi Cali Suudi oo ah (Camera-man) ka Madaxweynaha ama Sawir qaadaha gaarka ah ee dhinaca Tv-ga u qaabilsan madaxweynaha oo walaalkii Maxamed Cali Suudi uu ku geeriyooday cusbitalka guud ee hargeysa 28/11/2013, marxuumka oo ahaa xoghayihii Gobolka buuloodle oo maalmahan u jiifay xanuunkan uu u geeriyooday.
Dhamaantood waxay ILLAAHAY uga baryayaa Marxuumka inuu naxariistii Janno ka waraabiyo, Qoyskii, Eheladii, Qaraabadii iyo Asxaabtii uu ka baxayna Samir iyo Imaan ka siiyo.
IN-NAA LILLAAHI WA IN-NAA ILAYHI RAAJICUUN