Beijin(GNA)-Dawladda Shiinaha ayaa Diyaaraddo dagaal ku eekeysay Soohdinta u dhexaysa Waddanka japan, waxaana halkaasi ka socda dhoolatus balaadhan oo Ciidamada Cirka Shiinuhu samaynayaan.
Talaabadan ayaa ka dambeysay ka dib markii la sheegay in Dalalka Japan, Maraykanka iyo Kuuriya Waqooyi Diyaaraddo milateri u soo direen Xuduudka Japan iyo Shiinaha.
Afhayeen u hadlay Ciidamada Cirka ee Shiinaha ayaa sheegay inay heegan geliyeen Ciidamada Cirka ee aagaasi ku sugan, isla markaana Dhoolatus dhanka Hawada ah ay ciidamadoodu halkaasi ka sameynayaan.
Sarkaalka ayaa sheegay inay isu diyaarinayaan inay difaacaan dalkooda iyo dadkooda, hadiiba ay soo weereraan cadowga waxa uu ugu yeedhay Jamhuuriyada China.
Wariyeyaal ku sugan Caasimada Shiinaha ee Bejin, ayaa ku soo waramaya inay suurto gal tahay in isku dhac aan ku talo gal lahayni halkaasi ku dhaco, hadii aanay Maamuladu Ciidamadooda kala jihaynin.
Dalka Shiinaha ayaa ka mid ah Dalalka loolan adag ugu jira hogaaminta Dhaqaalaha aduunka iyo Suuqyada Ganacsiga.
Maraykanka iyo Japan ayaa ah dalalka sida weyn uga walaacsan qorshaha Shiinaha ee dhinacyada Ganacsiga iyo Dhaqaalaha Caalamka.
Gobanimonews
London Office
Email: editor@gobanimonews.com