Hargeysa(GNA) Wasiirka wasaaradda Arrimaha dibeda Somaliland Maxamed Biixi Yoonis ayaa manta u socdaalay dhinaca dalka Itoobiya, isagoo sii raacay safiirka Ingiriiska u fadhiya Addis ababa oo Somaliland ku sugnaa.
Lama oga ujeedada rasmiga ah ee wasiir Biixi ku tagay Dalka Itoobiya, hase yeeshee waxa lagu war helay isagoo maanta ka dhoofaya madaarka Hargeysa.
Wasiir Maxamed Biixi Yoonis ayaa mudadii uu xilka hayey dhawr socdaal ku gaalaa baxay dhawr dal, waxaanu safarkiisa imiku u muuqdaa mid dublamaasiyadeed oo uu ka soo fulinayo dalkaasi.
Maxamed Biixi ayaa toddobaadkan ka joojiyey wefti Wasiiro ah oo booqan lahaa dalka Jabuuti, iyada oo aanay illaa hada Xukumaddiu wax war ah ka soo saarin sababta weftigaas loo baajiyey iyo ujeedadii ay u tagayeen Djabuuti.
Wasiirka arrimaha dibada ayaa xuurto ku haysta safarada madaxda dawladda ee dibada,kaasoo isaga oo laga amar qaato mooyaane cid dibada u dhoofi kartaa jirin.
Gobanimonews
Hargeysa Office
Email: editor@gobanimonews.com