GNA-Manchester United ayaa diyaar u ah inay 7 milyan ginni iyo Wilfried Zaha oo isla socda ay ku soo bedelato daafaca bidix ee Everton Leighton Baines, sida ay qoreyso jariirada The Sun.
Tababare David Moyes ayaa u ogolaan doona xiddiga garabka ka ciyaara ee 15ka milyan ginni ku fadhiyo Zaha inuu kooxda ka tago ka dib markii uu si joogta ah uga soo wareegay Crystal Palace bilo ka hor.
United ayaa si aad ah u dooneysa inay gacanta ku dhigto Baines bisha Janaury, madaama laga soo diiday xagaagii dalab 15 milyan ginni ah.
Zaha ayaa Man United u saftay labo kulan oo tartan rasmi ah. Laakiin Moyes ayaa aaminsan in Baines oo 28 sanno jir ah uu ka muhiimsan yahay.
Zaha oo 20 sanno jir ah ayaa labo kulan u saftay xulka England, laakiin rajadiisa Koobka Adduunka ayaa u muuqata mid xun haddii aanu si joogta ah u ciyaarin