"Madaxweyne siilaanyo Dadku kuumuu dooran inaad talada dalka shaashaan ka ride inaad dimuqraadiyadda adkaysaa laguu doortay dunidana ka keento aqoonsi sal balaadhan…
Maansadan waxaan curiyey markii aan arkay xaalada dulaysa iyo siyaasada dawakhsan ee maalinkan maaanta dalku ku sugan yahay, waana wax aad iyo aad loola yaabo, xigmad soomaali ahbaa tidhaahda sac nin maaloo wayli nuugtoo naagi xigataa walee waa yaab, waan iska arkayey xukuumadda siilaanyo inay talad dalka adhaxda ka jebinayso oo ay halkaa aadka u liidato manta dhigi doonto. Shacabka S/land waxa ku dhacday Ayaan darro weyn maadaama oo kii ay doortaanba uu noocan yahay talada dalkana gaar loo yeelanayo… allah maxaa daal la korodhsaday!!!
Markay dadku kuu kaceen
Durbaanadda kuu tumeen
Dartaa hurdadii naceen
Dagaal culus kuu galeen
Duunyada maalkii hureen
Dartaa u hogaansameen
Dedaal kula garabsocdeen
Dad aan cishadaa qadayn
Dad aan dabka llogu shubin
Waxay kuugu daalayeeb
Daway kaa filanayeen
Nin door beri loo irkado
Rajadii daacaday qabeen
Ninkii sidan doonayee
Af beena ku doodayee
Samaha dabin gelinayow
Ninkii runta diidayee
Riyada daahsaarayee
Cid gaara danaynayoow
Dadkani sidan kuma heshiin
Xil daacada bay rabaan
Nimaan daalinbay rabaan
Dantooda waday rabaan
Dal loo siman yay rabaan
Dariiqa san bay rabaan
Duug iyo taariikh hadhiyo
Waxqabad dooray rabaan
Sansaanka dulaysanee
Dad sheegani ay wataan
Dadkeenu umuu codayn
Manay rabin daalin kale
Siyaad dabadii bulshadu
Diyaar dhib umay ahayn!!!
Dhammaad
Abwaan Cali Dhanaaniye
dhanaaniye@hotmail.com
dhanaaniye1@gmail.com