GNA_David Beckham ayaa ku kalsoon David Moyes in uu yahay Ninka saxda ku ah in uu hogaamiyo Manchester United, inkastoo ay kooxdu la halgameyso dhibaatooyinka horyaalka ah.
Kabtankii hore ee xulka England oo dhawaan shaaciyay in uu doonayo in Sir Alex Ferguson uu noqdo macalinka cusub ee kooxda uu iibsanyo ee MLS, ayaa rumeysan in Tababaraha ree Scot uu ku jiro marxalado isbadal ah laakiin uu kabixi doono.
Moyes ayaa wajahay dhaleeceen ku saabsan hoos u dhaca United ee horyaalka kaddib markii uu guul darooyin kala kulmay Liverpool, Manchester City iyo West Brom, laakiin laacibkii hore Beckham ayaa sheegaya in kooxdu ay ku soo noqon doonto booskii uu ugatagay Ferguson islamarkaana ay ka saramari doonto.
“Waan ka soo hoos ciyaaray Moyes waqtigii amaahda aan ku joogay Preston waxaan ka arkayay hormar macalimadiisa waxana uu markii danbe macalin u noqdo Everton” 38 jirkan ayaa sidaasi u sheegay talkSPORT.
“Dhab ahaantii waan ku faraxsanahay in uu shaqo kale helo United maxaayeelay waa macalin weyn oo tayo badan leh”.
“Waxa uu kooxda la wareegay markii Sir Alex Ferguson uu kooxda ka tagay waxa ay aheyd waqti adag laakiin waa maalmo kooban oo dhamaanaya, waxana uu ku soo celin doona kooxda booskeedii hore”.