Muqdisho(GNA)-Baarlamanka Soomaaliya ayaa si rasmiya loogu qaybiyay Mooshinka Kalsoonida loogu qaadayo Xukuumadda, oo in muddo ah buuq iyo qaylo ka dhex istaadhay Golaha dhexdiisa.Fadhigii afaraad oo ay mudaneyaashu isugu yimaadaan furitaanka Kal-fadhigooda oo Mooshinku Khal-khaliyey, ayey Mudaneyaashu ku aqbaleen inay waraaqa Mooshinka qaataan, Khamiistana Goluhu ka doodo.
Maaha oo qudha Mooshinka ee waxa Mudaneyaasha fadhiga maanta loogu qaybiyay Ajandaha Kal-fadhiga oo dhamaystiran, waxaana ku jirta Miisaaniyada 2015 ee xukuumadda, Dhaarinta Xildhibaano cusub iyo Mashaariic kale oo sharci.
Halkan ka Daawo:
Mudaneyaasha Baarlamanka ayaa todobaadkii hore kulan qar-qarbo ahaa oo loogu qaybiyay Qaraarka Kalsoonida loogu qaadayo, waxa ay Xildhibaano Golaha ka mid ahi jeex-jeexeen Mooshinka, iyagoo ku doodayay inuu xaaraan yahay. Hase ahaatee labada garab ee Goluhu u kala qaybsanyahay ayaa Maanta aqbalay soo akhrinta Mooshinka.
Khilaaf wali u dhexeeya Madaxda ugu saraysa dawladda oo wajiyo badan yeeshay, ayaa sababay in Reysal-wasaare Cabdiwali iyo xukuumaddiisa Kalsooni loo waydiiyo Baarlamanka si ay meesha uga baxdo ama u sii joogto.
Gobanimonews
Muqdisho Office
Email: editor@gobanimonews.com