Tababare Louis van Gaal ayaa cadeeyey inuu Rooney ciyaari doono ciyaarta barri dhex mari doonta iyaga iyo Kooxda uu xafiltanka wayni ka dhexeeyo ee Man Citywaxaanu cadeeyey inaanu Rooney ahayn mid dhaawac soo gaadhay ee ay qabatay kabtiisu.
waxaana isaga oo arintaa ka hadlaya uu yidhi " Captain Rooney maaha dhaawac lamana dhaawicin waxa laga yaaba inay kabtiisu ahayd mid ku cidhiidhi ah deetana ay qabatay"
Rooney oo maalmahanba laga shakisnaa inuu dhaawac yahay oo maqnaa 3 ciyaarood ayaa ciyaari doona diyaarna u ah inuu ciyaaro ciyaarta barri dhex mari doonta iyaga iyo Manchester City.
Tababare van Gaal ayaa isaga oo la hadlayay Saxaafada waxa uu ku canaantay
Buunbuuninta ay buunbuuniyeen dhaawacan sahlan ee soo gaadhay Rooney
isaga oo hadalkiisa sii wata ayuu yidhi " waxaan maqlay inuu goolal badan ka dhaliyey Kooxdan man City iyo dhammaan kooxaha kalena markaa waa inaan dhiiri galiyaa aad baanan ugu faraxsanahay inuu ciyaari karo"
"
Wayne Rooney ayaa xilli ciyaareedkan ciyaaray 10 ciyaarood dhaliyayna 6 gool labana salaxay waxaana uu qaatay 1 kaadh oo huruud ah iyo 1 casaan ah
Rooney waa Ciyaarahanka ugu badan ee goolal ka dhaliyay kooxdan ay xafiltamaan ee Man City waxaana uu ka dhaliyay 11 gool 22 ciyarood oo ay awda yeesheen todoba ka mid ah waxa uu kaga dhaliyay Old Trafford.
Tababare van Gal ayaa iiday inuu u ciyaari doono si ka duwan ciyaarihi hore waxana uu yidhi " waxay ka mid tahay ciyaaratni 38 ciyaarood ee aan qorsheeyey waxnan ugu diyaar garoobay si isku mid ah iigamana duwana kuwaas oo kale waan ogahay laakiin ciyaarahanada iyo taageerayaashu inay xamaasadaysan yihiin ayna tahay xaalad uga duwan kuwii hore"
waxa kale oo uu sheegay van Gaal inay ka warwar badanyihiin kooxda reer Man City maadaama aanay muujin sanadkan ciyaaro qurux badan, waxaana uu yidhi " waynu horyumarayna waxaynu horumarinayna nafaheena ciyaarihii ugu danbeeyeyna Man City may soo ban dhigin qaab ciyaareed wanaagsan markaa iygaa inaga war war badan"
Ayuu hadalkiisii ku soo gabgabeeyey
Ciyaartan Derby-da ah ayaa dhici doonta barri Axada waana mid laga wada dhur sugayo aadna loo xiisaynayo daawashadeeda