Hargeysa(GNA)-Guriga dhagaxa oo ku yaalla agagaarka Hudheelka Shiraaqle ee bariga Magaalada Hargeysa, ayaa ku shuf-beelay dab qabsaday Salaadii Maqrib markii laga soo baxay galabta, sida ay Gobanimonews u xaqiijiyeen goob-joogeyaal.
Gaadiidka Dab-damiska Dawladda hoose oo wakhti dambe gaadhay ayaa ku guulaystay inay damiyaan Gurigaasoo sida ay goob-joogeyaashu sheegeen khasaare badan oo aduunyo ka soo gaadhay dabka.
Ma jiro sida la wax waxyeelo nafeed ah oo ka dhalatay gubashada gurigan oo aan la ogayn ilaa hada sababta dhalisay dabka qabsaday.
Ciidanka Booliska ayaa soo gaadhay goobta gurigu ku gubtay, waxaanay ka qayb qaateen daminta.
Guriga dhagaxa ah ee guubtay, ayaa ku yaalla meel u dhaxaysay Laamiga Shiraaqle hor-marta iyo xarunta Telefishanka Horn Cable, agagaarka Saldhig boolis oo halkaasi ku yaalla.
