Bali-gubadle(GNA)-Guddoomiyaha Xisbiga talada haya ee Kulmiye Muuse Biixi Cabdi, ayaa hadal kaftan, dib u cugasho taariikheed iyo dhaliil siyaasaddeed oo ka dhan ah Mucaaridka ka jeediyay munaasibad lagu qabtay Magaalada Bali-gubadle ee Gobolka howd oo lagu soo dhaweeyay wefti uu hogaaminayay Madaxweyne Siilaanyo.Muuse Biixi Cabdi ayaa xafladaasi kaga sheekeeyay Taariikhda Gobolka Howd ku leeyahay Mandaqada Somaliland dib u xorayntii dalka ilaa sooyaalkii ka horeeyay, waxaanu si gaar ah uga waramay saddex halgan oo Gobolkani ku caanbaxay. “Gobolka Howd wuxuu caan ku yahay saddex halgan ilaa xorayntii dalka”ayuu yidhi.
Guddoomiyaha xisbiga kala qaybsan ee Kulmiye oo isagu metelayay Gobolka Howd, isla markaana dareenkiisa yihdi-diilo siyaasaddeed ka muuqatay, ayaa mid ka mid ah Dhalinyaradii hubaysnayd ee ka qayb-qaadatay dagaalkii SNM oo munaasibada ku sugnaa ugu soo halqabsaday doorkii ay Gobolkani ku lahaayeen gulufkii SNM “ Dalku markuu xoraynta u baahnaa, ragga maanta leh Hargeysa annagaa leh, Berbera annagaa leh, Burco, annagaa leh ama wajaale annagaa leh, waxaan u sheegayaa Aniga iyo Mujaahid Timo-cadde Xabbad-baa nagu dhacay”.
Halkan ka Daawo: