“Madaxtooyaa Jirta Ee Madaxweyne Ma Jiro” Mr Xamarji ,
Hargeysa(GNA).Axmed Cumar Xaaji Cabdilaahi(Xamarji),oo ka tirsan Xisbiga Waddani horena u ahaa lafdhabarta Kulmiye, ayaa Madaxweyne Siilaanyo u soo jeediyay inuu ka tanaasulo hogaanka dalka, isagoo tilmaamay inaan taladu gacanta ugu jirin.
Mr Xamarji waxa uu sheegay in Axmed Siilaanyo hore u lahaa Geesinimo balse hadda uu wax weyni iska bedelay “ La isma caasiyee waxaan qirayaa inuu jiro waxqabad Xukumaddu samaysay laakiin waxaa dhab ah in intaa la qabtay shan jeer laabkeed oo khalad la galay ah baa barbar socota. Halkan ayay Faadumo siciid ka lahayd yaa haya Hogaanka, horta waan idiin sheegayaaye Madaxtooyaa jirta ee Madaxweyne Ma Jiro.
Mr Xamarje waxa uu si dadban u sheegay inaanay tala dalku gacanta ugu jirin Madaxweyne Siilaanyo “Waxaa la yidhaa Madaxtooyadii waxaas iyo waxaas baa ka soo baxay, haddaba Madaxtooyada waxaas ka soo baxay maaha warkii Madaxweynaha ee ma kii Marwadaa, ma kii Xirsi baa, ma kii Askartaa lama yaqaano. Waxaan dadweynaha ugu bushaaraynayaa waxaa inagu dhacay, wixii Qadarku keeno horta la iskuma canaanto, Madaxweyneheenu geesinimo ayuu lahaa, Karti ayuu lahaa, Qadarin buu lahaa.
Wax uu hore u soo yeelay oo aanu maanta yeeli karayn baa u banaanayd, Madaxweynuhu wuxuu ahaa Ninkii 80-ka Cod ku tanaasulay, maanta madaxweynaha waxaa u banaanayd inuu tanaasul geesinimo ah qaato nasashana uu isagu isku sameeyo laakiin se u malayn maayo oo Axmed kii hore ee Boobe sheegay baa sidaa yeeli karayay ee inaanu maanta yeeli karayn.”
mustafe axmed(herer)
gobanimonews
hargaysa/somaliland