Muqdisho(gna).Ugu yaraan saddex qof ayaa maanta ku dhintay Weerar maanta dablay aan la aqoonsan ka fulisay Muqdisho. Dadka dhintay waxaa ka mid ah Xildhibaan hore oo lagu magacaabo Liibaan Cabdillaahi Nuur, waxaana dadka dhaawacmay ka mid ah Xildhibaan Mayow Mustaf oo Baarlamaanka ka tirsan.
“Markii ay rasaasta dhacday waa kusoo baxnay, afar ruux oo mid xildhibaan uu ahaa ayaa waxaa weeraray dabley gaari wadatay, waxaa xildhibaanka iyo ruux kale oo dhaawac ahaa goobta ka qaaday ciidamada dowladda,” ayuu warbaahinta u sheegay Gudoomiyaha degmada Xamarweyn Cabdiqaadir Maxamed.
Dablayda weerarka gaystay oo Baabuur watay ayaa rasaasta ku furay Xildhibaanka, iyagoo dilay laba ilaaladiisa ka mid ah iyo Ninka xidhibaanka hore ahaa, intaasi ka dibna dablaydu way baxsatay
Arintan ayaa ka mid ah xaaladdaha amaan daro ee Muqdisho wejehaysay Mudooyinkii u dambeeyay, waxaanu sababay qarax shalay ka dhacay Afaafka Madaarka muqdisho in la hakiyo dhaqdhaqaaqa Shaqaalaha Qararamada midoobay ee ku sugan Somalia.
Weerka shalay oo lala beegsaday Kolanyo Gaadiid ah UN-tu lahayd ka dib Afhayeenka Qaramada Midoobay ee Somaliya Mr. Aleem Siddique, ayaa idaacadda Radio France International u sheegay in la hakiyay dhaqdhaqaaqa shaqaalaha Qaramada Midoobay, “Waxaanu si ku meelgaadh ah u hakinay dhaqdhaqaaqa shaqaalaha Qaramada Midoobay inta ay socoto hawsha baadhistu.” Ayuu sheegay afhayeenkani, isagoo ka waramay qaraxa shalay dhacay oo uu cadeeyay inaanay cid ka tirsan shaqaalaha Qaramada Midoobay ku waxyeeloobin.
Mustafe axmed(herer)
Gobanimonews
Hargaysa/somaliland