Kooxda Islaamiyiinta ah ee Boko Haram ee Dalka Nigeria ayaa sheegtay in la guursaday dhamaan 200 ee Gabdhood ee ay dalkaas ka afduubeen horaantii sanadkan.Boko Haram, ayaa dhinaca kale beenisay in ay wax heshiis xabad joojin ah la gashay dowladda Nigeria, kaddib markii ay xukuumaddu todobaadyo ka hor ku dhawaaqday heshiis xabad-joojineed oo dhex maray kooxda.
Afhayeen u hadlay Kooxda oo ka soo muuqday Muuqaal cusub oo kooxdu soo saartay, ayaa gaashaanka ku dhuftay Sheegashada dawladda ee Heshiiska.
Afhayeenka oo ka hadlayay Video-ga cusub ee Ururku soo saaray ayaa intaasi ku daray in Hablaha la afduubay ay qaateen Diinta islaamka.
Kooxda ayaa boqolaal Gabdhood oo iskuulay u badan ka afduubtay dalka Nigeria tan iyo sanadkii 2009-kii.
Sidoo kale waxay weerraro ka fuliyeen gobollo kala duwan oo ka mid ah Dalkaas.