Tababaraha Liverpool Branden Rodgers ayaa u digay Kabtanka Fantastic isagoo u sheegay inuu daganaan muujiyo isla markaana iska ilaaliyo in la siiyo jaale, isagoo aaminsan in Liverpool ay lumin doonto tartanka horyaalka.
Steven Gerrard ayaa 7-kaadhka huruda ah la gudoonsiiyay 10-kii kulan ee ugu dambeysay horyaalka taasoo ka dhigan inuu 9-jaale qaatay xili ciyaareedkaan wuxuuna 1-jaale u jiraa inuu muteysto ganaax 2-kulan ah.
Kulamo adag ayaa kusoo wajahan Liverpool bishaan April waxaana halis ku jira xaalada Gerrard madama hadii uu hal huruud qaato uu seegi doono kulan muhiim ah xili Kooxda Reds ay tartan ugu jirto horyaalka.
Tottenham ayey la ciyaari doonaan isbuuca soo aadan waxeyna kadib la ciyaari doonaan West Ham iyo Man City wuxuuna Rodgers u sheegay kabtankiisa inuu is dajiyo mar walba.
33-jirkaan kabtanka u ah Liverpool iyo qaranka England ayaa sanadkaan muujiyay waxqabad muuqda wuxuuna door muhiim ah ku yeeshay khadka dhexe kooxda Liverpool isagoo mar walba caawiya daafaca