Tababaraha xulka qaranka Mexico Miguel Herrera ayaa la dabaal dagay ciyaartoyda xulkiisa Mexico kadib markii ay xaqiijiyeen inay u soo baxeen wareega 16 ee koobka aduunka. Herrera ayaa sheegay in ay tahay maalintii ugu farxada badnayd noloshiisa. Mixico ayaa 3:1 ku dubatay xulka qaranka Croatia sidaana waxay kaga mid noqdeen qaramada u soo baxay wareega 16ka.
Mexico ayaa wareega 16 ka wajihi doonta xulka wacdaraha dhigay ee Netherlands oo isagu badiyay saddexdii kulan ee uu ciyaaray isagoo kaalinta kowaad kaga soo baxay Group B iyagoo 9 dhibcood oo saafiya ka helay heerka groupska.
Herrera ayaa yidhi: “Waanu soo dhaafnay dhibaatadii kowaad waananu farax sanahay. Waa maal mihii noloshayda aan ugu farxada badnaa wuxuu ahaa dagaal adag laakiin kooxdaydu way soo baxday waxaananu dareemaynay sidii aanu ku ciyaarayno wadankagayigii hooyo.
“Caawa waanu dabaal dagaynaa laakiin bari waxaanu bilaabaynaa fikirkii aanu ku wajihi lahayn Netherlands.
Inkasta oo ay Croatia qaybtii hore ee ciyaarta haysatay boosishanka laakiin waxaan u suurto galin inay wax badan samayso sidaana waxay ku macasalaameeyeen koobka aduunka.
Halkan ka fiiri sawiro ku aadan dabaal dagii Mexico kulankii dhex maray Croatia iyo Mexico:
