Kabtankii hore ee Arsenal Tony Adams ayaa sheegay in uu aaminsan yahay in Arsenal weli ay ka fog tahay in ay u tartamaan soo hoyinta horyaalka Ingiriiska xilli ciyaareedka dambe .
Arsenal oo xilli ciyaareedkii hore si dirqi ah ku gashay kaalinta afaraad ayaa ku fashilantay in wax koob ah ay qaadaan tan iyo sanadkii 2005-tii xilligaas oo ay ku guuleysteen koobka FA Cup-ka.
Wargeyska The Sun ayuu Tony Adams ka yiri ” dhab ahaan waxaa la gaaray waqtigii Arsenal qaadi laheyd koob xittaa ha ahaadaan midkood Fa Cup-ka ama Capital One , balse dhab ahaan iima muuqaneyso arintaas”.
” Weli Arsenal waa ka fog tahay in ay qaadaan horyaalka Ingiriiska waqtigaan dhow” ayuu sii raaciyay kabatnkii hore ee Arsenal .
Tony Adams ayaa Arsenal horay ugu ciyaaray 650-kulan ka dib 18-sano oo uu la joogay kooxda Arsenal .