Madaxweyne Siilaanyo: Isku Shaandheyn Mug leh, Xukuumadda Muuqaal cusub iyo Masuuliyiinta Seeftu Qaaday

Hargeysa(GNA)-Madaxweyne Axmed Maxamed Maxamuud Siilaanyo ayaa Caawa soo saaray Isku shaandheyn cusub iyo magacaabis Masuuliyiin cusub.

 

 

Wareegto ka soo baxday Caawa abaaro Kawdii iyo dheeraad, ayuu Madaxweynuhu ku magacaabay Wasiiro cusub oo tiro badan, kuwaasoo dhamaantood u muuqda kuwo siyaasada ku cusub.

Halka kuwo uu xilalka ka qaadayna meelo kale u magacaabay.

Ugu yaraan 19 Masuul oo xukuumaddiisa ka tirsan ayuu Ashkhaas cusub keenay, halka kuwo kale oo Golihiisii hore ah Wasaarado kale u bedelay.

Wareegtadan, waxa ka dhex muuqda Hogaamiyihii SSC, ahaana wasiirkii Dib u dejinta Saleban Ciise Axmed (Xaglo-toosiye ) oo loo magacaabay wasiirka Caafimaaadka, Wasiirkii hore ee duulista Hawada ee Xukuumaddii Rayaale Cali Maxamed Warran-cadde loo magacaabay Wasiirka arrimaha Gudaha.

Sidoo  kale Wasiirka arrimaha dibada iyo Iskaashiga Caalamiga ah loo magacaabay Maxamed Biixi Yoonis oo ah siyaasi cusub.

Sidoo kale waxa uu Madaxweynuhu halkan ku bedelay Wasiirkii hore ee Hawlaha, Caafimaadka warfaafinta iyo Macdanta iyo biyaha oo uu qaarkood meelo kale u bedelay qaarna Eryay.

Digreetada Madaxweynaha oo lagu shaaciyay Warsaxaafadeed ka soo baxay Madaxtooyada oo uu ku saxeexanyahay Afhayeen Axmed Saleban Dhuxul, ayaa u dhignayd sidan:-

War-saxaafadeed

Madaxweynaha JSL, Mudane, Axmed Maxamed Maxamuud (Silaanyo) waxa uu digreetooyin uu caawa soo saaray oo sumadeedu tahay JSL/M/XERM/249-1820/062013 uu ku magacaabay wasiiro cusub, wasiiro xilal kale loo bedelay, iyo kuwo xilalkii ay hayeen lag bedelay.

 

MADAXWEYNUHU:-

 

Markuu Arkay:  Qodobka 90aad, Faqradiisa 2aad ee Dastuurka Jamhuuriyadda Somaliland;

 

Markuu Tixgeliyey:    Ahmiyadda weyn ay Wasaaraduhu u leeyihiin Dalka iyo dhismaha Qaranka;

 

Markuu Arkay:  In baahi loo qabo buuxinta jagooyinka Wasaaraddahan JSL;

 

Markuu Ka Fiirsaday:         Kartoodad, aqoontooda iyo hufnaantooda shaqo;

 

Markuu ku Qancay:   In ay  hanan karaan xilalkan loo magacaabay;

 

 

 

 

Wuxuu go’aansaday

 

 

 

In laga bilaabo taariikhda maanta masuuliyiintan uu Madaxweynuhu u magacaabay xilalkan.

S/No.	Title-ka	Magaca
	Wasiirka Wasaaradda Arrimaha Dibedda	Maxamed Biixi Yoonis
	Wasiirka Wasaaradda Arrimaha Gudaha	Cali Maxamed Warancade
	Wasiirka Wasaaradda Deegaanka	Shugri X. Ismaaciil Baandare
	Wasiirka Wasaaradda Kalluumaysiga iyo Khayraadka Badda	Cali Jaamac Faarax (Buureed)
	Wasiirka Wasaaradda Boosaha iyo Isgaadhsiinta	Maxamed Jaamac Abgaal
	Wasiirka Wasaaradda Dib-u-dejinta	Axmed Cabdi Kaahin
	Wasiirka Wasaaradda Xidhiidhka Goleyaasha, Cilmi Baadhista iyo Technology-yadda	Aaden Axmed Warsame
	Wasiirka Wasaaradda Biyaha	Xuseen Maxamed Cabdille
	Wasiiru-dawlaha Wasaaradda Madaxtooyada	Maxamed Muuse Abees
	Wasiiru-dawlaha Nabadaynta iyo Horumarinta  Gobollada Bari ee JSL	Cali Maxamuud Axmed (Sandule)
	Wasiiru-dawlaha Wasaaradda Waxbarashada iyo Tacliinta Sare	Axmed Nuur Faahiye
	Wasiir Ku-xigeenka Wasaaradda Qorshaynta Qaranka iyo Horumarinta	Xasan Daahir Dhinbiil
	Wasiir Ku-xigeenka Wasaaradda  Beeraha	Aaden Ibraahin Yuusuf Ashqar
	Wasiir Ku-xigeenka Wasaaradda Shaqada iyo Arrimaha Bulshada	Shugri Xariir Ismaaciil
	Wasiir Ku-xigeenka Wasaaradda Warfaafinta	Cabdiwaaxid Cabdiraxmaan Cabdiqaadir
	Wasiir Ku-xigeenka Wasaaradda Gaashaandhigga	Cabdi Daahir Camuud
	Wasiir Ku-xigeenka Wasaaradda Ganacsiga iyo Maalgashiga	Bashiir Cabdi Xariir
	La-taliyaha Madaxweynaha ee Arrimaha Doorashooyinka iyo Asxaabta (Wasiirkii Hore ee Wasaaradda Hawlaha Guud, Guriyeynta iyo Gaadiidka)	Axmed Cabdi Maxamuud (Xaabsade)
	La-taliyaha Madaxweynaha ee Arrimaha Garsoorka iyo Cadaalada (Wasiirka Hore ee Wasaaradda Deegaanka)	Maxamuud Siciid Maxamuud (Gacamey)

 

 

 

 

 

 

 

 

 

 

 

WAXA KALE OO UU MADAXWEYNUHU XILALKII AY HAYEEN UU KA BEDELAY XUBNAHAN HOOS KU QORAN UNA MAGACAABAY XILALKAN:-

 

S/No.	Title-ka	Magaca
	Wasiirkii hore ee Wasaarada Dib-u-dejinta waxa loo bedelay (Wasaaradda Caafimaadka )	Saleebaan Ciise Axmed (Xagla-toosiye)
	Wasiirkii hore ee W/Ganacsiga waxa loo bedelay) Wasaaradda Hawlaha Guud, Guriyeynta iyo Gaadiidka	Cabdirisaaq Khaliif Axmed
	Wasiirkii Hore ee Arrimaha Dibeda waxa loo bedelay (Wasaaradda Ganacsiga iyo Maalgashiga)	Dr. Maxamed Cabdilaahi Cumar
	Wasiir ku xigeenkii hore ee W/faafinta waxa loo magacaabay (Wasaaradda Warfaafinta, Dhaqanka iyo Wacyigelinta)	Cabdilaahi Maxamed Daahir (Cukuse)
	Wasiirkii hore ee W/faafinta waxa loo bedelay (Wasaaradda Warshadaha)	Abiib Diiriye Nuur (Timacade)
	Wasiirkii Hore ee Wasaaradda Kalluumaysiga iyo Khayraadka Badda	Cabdilaahi Jaamac Cismaan (Geeljire)
	Wasiirkii Hore ee Wasaaradda Hawlaha Guud, Guriyeynta iyo Gaadiidka waxa loo magacaabay (La-taliyaha Mdaxweynaha ee Arrimaha Doorashooyinka iyo Asxaabta)	Axmed Cabdi Maxamuud (Xaabsade)
	Wasiirka Hore ee Wasaaradda Deegaanka waxa loo magacaabay (La-taliyaha Arrimaha Garsoorka iyo Cadaalada)	Maxamuud Siciid Maxamuud (Gacamey)

 

 

SIDOO KALE WAXA MADAXWEYNUHU UU XILALKII AY HAYEEN UU KA  NASIYEY WASIIRADAN HOOS KU QORAN:-

S/No.	Title-ka	Magaca
	Wasiirkii Hore Wasaaradda Arrimaha Gudaha	Maxamed Nuur Caraale (Duur)
	Wasiirkii Hore ee Wasaaradda Warshadaha	Cabdirisaaq Cali Cismaan
	Wasiirkii Hore ee Wasaaradda Caafimaadka	Dr. Xuseen Muxumed Maxamed (Xoog)
	Wasiirkii Hore ee Wasaaradda Boosaha iyo Isgaadhsiinta	Cali Cilmi Geelle
	Wasiir Ku-xigeenkii Hore ee Wasaaradda Ganacsiga	Aaden Diiriye Cigaal
	Wasiir Ku-xigeenkii Hore ee Wasaaradda Waxbarashada iyo Tacliinta Sare	Cali Xaamud Jibriil

 

 

 

 

ALLAA MAHAD LEH
 

Axmed Saleebaan Maxamed (Dhuxul)
 Af-hayeenka Madaxtooyada JSL.