Liverpool vs soton
Kabtan xigeenka Liverpool Daniel Agger ayaa dib ugu soo laabanaya kooxda
kadib markii uu dhaawac kaga maqnaa kulankii Isniinta ee Swansea City la
galeen barbardhaca.
Philippe Coutinho ayaa dhowr toddobaad garoomada ka maqnaan doona markii
qalliin garabka looga sameeyay, waxaana beddelkiisa ciyaari doona Aspas
iyo Sterling midkood.
Luke Shaw ayaa dib ugu soo laabanaya kooxda Southampton markii uu
dhaawac yar kasoo gaaray kulankii u dambeeyay ee uu kooxdiisa u ciyaaray.
Ciyaarta waxa ay dhici doontaa 5ta galabnimo saacada geeska Afrika.
*Waxyaabaha u gaarka ah kulankan*
* Dhammaan shantii kulan ee u dambeysay ee labadan koox ayaa waxaa
badineysay kooxda garoonkeeda lagu ciyaarayay, iyadoo galabta garoonka
Liverpool ee Anfield lagu ballansan yahay.
* Kulankii u dambeeyay ee March sanadkan dhacay waxaa 3-1 ku badisay
Southampton.
* Liverpool ma guul-darreysan 12-kii kulan ee u dambeysay ee horyaalka,
waxaana ugu dambeysay guul-daraas Southampton kasoo gaartay.
* Hadii Reds guuleysato waxey u noqoneysaa guusheedii 400-aad ee Premier
League.
* Liverpool waxey ku badineysay min 1-0 labadii kulan ee u dambeysay ee
garoonkeeda ku ciyaartay.
* Dhammaan Shantii gool ee Liverpool ka dhalisay horyaalka xilligan
waxey wada dhasheen qeybta hore ee ciyaarta.
* Sturridge wuxuu goolal ka wada dhaliyay dhammaan kulamadii uu
Liverpool u ciyaaray xilli-ciyaareedkan (4 horyaalka iyo mid League Cup).
* Sturridge wuxuu noqday ciyaaryahankii u horreeyay ee Liverpool goolal
u dhaliya afarta kulan ee ugu horreysa ee horyaalka.
* Lucas ayaa calaamadda Jaallaha ah la siiyay dhammaan seddexdii kulan
ee uu xilligan ka ciyaaray horyaalka.
* Southampton ayaa kaliya hal kulan badisay xilligan, waxeyna bannaanka
kusoo garaacday West Brom.
* Kaliya hal kulan ayay ka badisay Southampton 10-kii kulan ee u
dambeeyay ee horyaalka ka ciyaartay.
* Saints kaliya waxaa lagu tuuray 9 Laad oo kaliya oo goosha lala
eegtay, waana kooxda ugu yar, halka Liverpool lagu tuuray 22 Laad taas
oo ka dhigeysa kooxda labaad ee ugu badan.