Madaxweynaha Somaliland ayaa Maanta Markab Dagaal oo Dawladda Britain leedahay kula dul kulmay Saraakiil Ciidan iyo Diblomaasiyiin British ah.Shirka oo qaatay Saacado badan lama oga waxyaabaha ay labada dhinac kaga wada hadleen, balse wuxuu daba socday kulan kale oo shalay Madaxtooyada somaliland ku dhex maray Safiirka Boqortooyada Ingiriiska u fadhiya Somaliya .
Dawladda Ingiriiska ayaa Taageero balaadhan siisa Somaliland, waxaanay ka taageertaa dhinacyda Dhaqaalaha, Ammaanka iyo waliba dhiiri gelinta dimuquraadiyada oo ay Doorashooyinka kaga kabto.
Nuxurka waxyaabihii shalay ay dawladda Ingiriiska iyo dawladda Somaliland ka wada hadleen waxay khuseeyeen arrimaha siyaasadda, balse kulanka maanta waxa uu khuseeyay arrimaha Milateriga.
UK, ayaa tababaro siisa Ciidamada Ilaalada Xeebaha Somaliland, kuwaasoo ay haatan dufcadii labaad u socdo tababarku.
Midowga Yurub iyo Somaliland ayaa dhawaan kala saxeexday heshiis dhigaya inay EU-du Ciidanka Badda Somaliland ka caawiso dhinaca tayada.
hadaba kulankan oo saacado badan qaatay, kana dhacay meel badda dhexdeeda, ayaanay wali war rasmiya ka soo saarin Xukuumadda Somaliland, iyadoo ay goor dhaweyd oo aan sidaas u fogayn laga soo dareeeray shirka