Wasiiristan(GNA)-Mid ka mid ah Hogaamiyeyaasha Shabakadda Alqaacida ee Dalka Pakistan, ayaa fariin u diray Dawladda Islaamka ee Daacish, waxaanu sheegay inay Taageero la garab taaganyihiin loona baahanyahay in lays kaashado si ay isaga difaacaan Reer Galbeedka.
Hadalkan ayaa ka soo baxay hogaamiyaha ugu sareeya Urueka Al-qaacida ee dalka Pakistan,xilli ay soo baxayaan warar sheegaya in dagaalyahano Alqaacida ka tirsani taageerayaan islaamiyiinta daacish ee Syria.
Dawladda Islaamiga ah ee Daacish ayaa lagu tilmaamay inay tahay shabakad ka khatar badan Al-qaacida, dhaqaale ahaan iyo milateri ahaanba, kaddib markii la ogaaday xawliga ay ku socoto.
Dawladda ISIL, ayaa bilowgii soo ifbaxeeda, waxay magaalada Mosel ee dalka Ciraaq ka qabsatay Dagaalyahano taageersan Al-qaacida, balse waxa muuqata inay in hadii markii hore ay kala aragti ahaayeen ay hada isku soo dhawaanayaan kooxahan islaamiyiinta ah oo dagaal kula jira xulafada Maraykanku hogaaminayo.
Inkasta oo ay mabaa’dii badan wadaagaan labada shabakaddood, hadana ma cadda halka uu noqon doono bar kulankooda iskaashi iyo inay heshiis rasmiya wada gali doonaan iyo in kale.
