cabdiraxmaan waa amerikankii labaad ee lagu syria[/caption]London(GNA)-Waalidka Gabadh Soomaaliyeed oo laga shakisanyahay inay u baxsatay Dalalka ay ka dagaalamaan Dagaalyahanada Daacish, ayaa codsi u diray Inantooda oo ay ka dalbadeen inay ku soo noqoto qoyskooda.
Gabadhan oo markii cid ugu dambeysay warkeeda lagu sheegay inay gaadhay Dalka Turkiga ayaa waaxda Sirdoonka ee Ingiriisku ka shakisanyihiin in socdaalkeedu la xidhiidho sidii ay ugu biiri lahayd Dagaalyahanada ISIS.
Laba Gabdhood oo u dhashay Soomaaliya balse haystay dhalashada Dalka Holland ayaa bilihii la soo dhaafay ee sanadka waxay u baxsadeen dalka Syria iyagoo ku biiray Kooxaha xagjirka ah ee dalkaasi ka dagaalamaya.
Dhalinyaro badan oo Soomaali ah, oo ka tegay wadamada Maraykanka iyo Yurub, ayaa ku biiray Daacish tan iyo Bilowgii dagaalada Syria, waxaana ka mid ah wiil u dhalay Guddoomiyaha Xisbiga Mucaaridka ah ee Somaliland ee UCID Faysal Cali Waraabe iyo wiil kale oo uu adeer u yahay Reysal-wasaarihii hore ee Somaliya cabdi Farax Shirdoon.
Aabbaha Gabadhan dhalay oo u waramay Ideecada BBC-da ayaa sheegay inuu gabadhiisa ka codsanayo inay dalkeeda ku soo noqoto.
Abbahan oo magaciisa la yidhaahdo Cabdirashiid Siciid Diiriye waxa uu ugu baaqay gabadha inaanay bilayska UK wax dhibaato ah u geysan doonin hadii ay iskaga soo laabato ku biirista Daacish “ anigoo ah Aabbahaa ah iyo hooyadaa Sahra waxaan ku leenahay iska soo noqo waxaan kuu balan qaadaynaa inaan wax dhibaato ah lagu geysan doonin”ayuu yidhi Cabdirashiid.