Burco(GNA)-Waxgaradka,Aqoonyaanka,Madaxdhaqameedka iyo dhalinyarta Beesha Reer Biniin ee Habarjeclo ayaa Maanta sir jaraa'id oo ay ku qabteen Hotel deero ee Magaalada Burco,waxay ku shaaaciyeen inay kalsoonidii kala noqdeen Xisbiga Kulmiye iyo xukuumadiisa.Sidoo kale waxay beesha reer Biniin qaadaceen Go’aankii ay kasoo saartay Guurtidu deegaanka lagu muransanyahay ee Baliga Diiriye Guuleed, oo ku yaalla waqooyiga Burco.
Ugu horayn waxaa shirkaas Jaraai'd ka hadlay hadlay Ugaas Isaxaaq Aadan, kaasoo sharaxay sababta ay go’aankan u qaateen.
''waxaanu halkan ka sheegaynaa oo Go’aan Beesha u ah Arin aan farxad galinayn xisbigii aanu sideeda sanadood sidanay ee kulmiye,sababta oo ah waxaa la xukumay wax aan distoorka iyo sharciga waafaqsanayn oo baadil ah,waxaanu miiska saaraynaa kalsoonidii aanu siinay xisbiga kulmiye waanu dhignay oo wanu kala noqonay ee markhaati ka ahaada,arintaasna waxaa ka masuul ah xukuumada maanta jirta oo iyada jidaysay in baliga la qodo ay tidhaahdo waxaa leh reerkaas, qodaxbay abuurtay dawladu baliyada lama kal laha oo bali reer leeyahay ma jiro umadu waa siku mid.anaga beel ahaan Go’aankayagu waa inaanu xisbiga kulmiye iskaga baxno.”ayuu yidhi.
Aqoonyahan Sulub Ismaaciil ayaa isna dawlada usoo jeediyay inay ka noqto Go,aankaas waxaanu dawlada ku tilmaamay mid Go,aanadeedu is Burinayaan isagoo arimahaas ka hadlayana waxa uu yidhi''waxaan halka ka sheegayaa sida ay bulshadu uga xuntahay Go,aamadii is khilaafsanaa ee iska daba yimi kuwaas oo aan waafaqsanayn sunaha dawladnimo iyo xalinta khilaafaadka Bulshada,waxaanu aragnaa mid an waafaqsanayan nabadgelyada iyo bulshada wada nool u danayanayn,dawladu waxay kasoo saartay laga bilaabo kalshaale iyadoo ugu danaynaysa degaanka,Xoola dhaqatada iyo nabadgelyada, taas oo dhibaatadii degaanka cusub ka jirtay lagaga raystay,hadii ay maanta tii jabisay ,waxaad ogataan dibaatada halkaas ka dhacda inay dawladu masuul ka tahay.
Abwaan Mustafe Kaariye Xaydle ayaa isna halkaas ka tiriyay Gabay uu dawlada ku dhaliilayo isla markaana uu ku tilmaamayayo inay dawladnimadu ay faraa u gashay dad aan u anoobin.
Aqoonyahan Xuseen X. Xasan Geele oo ugu danbayn Shirkaas Jaraa'id ka hadlaya ayaa yidhi''Madaxwaynaha Axmed dheere inaanu Kalsoonidii kala noqonay Xisbigiisa iyo dawladiisa,waxa kale oo aanu u sheegaynaa Magaalooyin kayagii aad cagafta galisay ee ay ka mid ka ahayd Naqdhabiijo inaanan kaa daynan ee aanu maxkamad kugu saarayno,dhulkayaga aad bixisaya inaanad hawlyaraan ku bixinkarin wixii ka dhacana aad masuul ka tahay.
Axmed Muuse Maxamed
Gobanimonews
Burco Office