Makka, Boqortooyada Sucuudiga, 06 Oktoobar 2014(GNA)-Madaxweynaha Jamhuuriyadda Federaalka Soomaaliya, Al-xaaji Xasan Shiikh Maxamuud, ayaa ka tacsiyeeyey shacbiga Soomaaliyeed geerida ku timi Allaah ha u naxariistee Danjire marxuum Maxamed Cusman Cumar, oo ugu geeriyooday Magaalada London xanuun uu u jiifay awgiis."Innaa Lillaahi wa innaa Illayhi raajicuun, geeridu waa xaq, waxaan Eebbe ka baryayaa inuu dhammaanteen samir iyo iimaan naga siiyo Danjire marxuum Maxamed Cusmaan Cumar. Waxaan si gaar ah tacsi ugu dirayaa xubnaha qoyska marxuumka, qaraabada, asxaabta iyo umadda Soomaaliyeed dhammaanteed”.ayuu yidhi.
Madaxweynaha oo ku sugan magaalada barakeysan ee Maka oo uu ku gutey waajibaadka Xajka ayaa intaas ku daray inuu Xaramka uga soo duceeyey Marxuumka. “magaalada barakeysan ayaan ugu duceeyey in Illaaheey uu jannada Fardowsa ka waraabiyo Marxuum Maxamed oo in badan u soo shaqeeyay ummadda Soomaaliyeed”.
Madaxweynaha ayaa sheegay in marxuum Maxamed Cusmaan Cumar uu ahaa muwaaddin waayo adag umadda Soomaaliyeed u soo maray howlo muhiim ah oo lama illoobaan ahna qabtay.
Waxa uu sheegay in Marxuumku Soomaaliya uga tegey dhaxal wabqabakiisa laamaha dowladda ee kala duwan ee muddada iyo qoraalladiisa uu sida shakhsiga ah isugu howlay oo wax badan laga baran karo.