Wareysi Dhinacyo badan oo Xiisa Leh Oo Mr Luis Guilherme oo Hargeysa Dalxiis Ku Jooga uu kaga waramay Dadka reer Brazil waxa ay ka aamisan yihiin Somaliland iyo Intii uu dalka joogay wixii Somaliland iyo dadkeeda kala kulmay.
Dalxiise(Gobanimonews)17-10-2014- u dhashay waddanka Brazil oo lagu magacaabo Mr Luis Guilherme oo hargeysa Safar dalxiis ah ku jooga,ayaa ka xog waramay arimo xiiso leh oo mudo dhawr cisho ah oo Somaliland ku sugna uu ku arkay iyo in aanay wax aqoon ah dadka dalkiisa reer Brazil u la heyn jiritaanka Shacabka Somaliland.
Mr Luis Guilherme oo shalay Wariye Cabdiwali Cali Ismaaciil oo Warfidiyeenadda Wargeyska Saxansaxo ka tirsan suqa kula kulmay,ayaa uga xog waramay arimo la yaab leh oo uu Somaliland kula kulmay iyo in uu ogaaday inay Somaliland tahay dal jira oo Geeska afrika ku yaala isla markaana nin ay saaxiib yihiin dhawaan u sheegay in uu jira dal Somalia aan aheyn oo Somaliland la yidhaahdo in uu jiro taasina ay keentay in uu Somaliland yimaad,waxa kale oo mr Mr Luis uu is barbar dhig ku sameeyey Somali oo uu ku tilmamay meesha aduunka ugu khatarsan iyo Somaliland uu hoosta ka xariiqay inay dal nabadgelyo buuxda oo shacab saaxiibtinimo fiicani joogaan.
Dalxiise Mr Luis Guilherme oo ugu ayaa ugu horeyn warbixintiisa ku bilaabay “Marka hore Waa wareysi wanaagsan waanan ku faraxsanay magacaygu waxa weeye Mr Lis waxa aan ahay Brazilian waxa aan ku dhashay magaalo la yidhaahdo Santos waa magaaladda uu ku dhashay Ciyaaryahanka Bele ma aqaano in aad idinku maqasheene (Boqorka ku bada Cagta Aduunka ee Reer Brazil Bele) uu ku dhashay,magaaladda Santos waa magaalo caanku ah Kooxaha kubadda cagta halkaas ayaanan ku dhashay hadase waxa aan ku noo lahay magaaladda Sambowlo waana magaalo dad ka badan 20 Milyan oo qof ay ku nool yihiin”
Mr Luis Guilherme oo hadalkiisa sii wata waxa uu yidhi “Nin saaxiibkay ah ayaa igu soo marti qaaday in aan waxka ogaado Somaliland iyada oo qof kasta oo reer Brazil ahi u maleynaayo inay tegi taanka Somaliland tahay mid waali ah balse Saaxiibkay ayaa igu yidhi maya maya wax dhibaato ah ma laha oo Somaliland waa waddan gaar ah oo dhinaca waqooyiga ku yaala Somalia waa waddan kale,inta ka dib Internet-ka ayaan akhriyey marka ka dibna waxa meeshii iiga soo baxday inay Somaliland waddan gaar ah tahay kaasi oo Xoriyadiisa qaatay sida aan filaayo ilaa 1991 waana waddan aad u nabdoon oo nabadgelyo buuxda haysta oo dadkiisu aad nabad gelyadda u jecel yihiin”
Ninkan u dhashay waddanka Brazil oo ka waramaaya sida uu Somaliland jiritaankeeda ku ogaaday waxa uu yidhi “Waxa jirtay in aan sido kale Mab ka akhriyey mudo hore oo ku sineyd ilaa 1995-kii dhul la yidhaahdo Somalia balse halkaasi waxa ku yaala in Waqooyiga uu ahaa Somaliland waxana aan filayaa in uu ahaa British Somaliland iyada oo dhinaca kalena ee ku yaalo Italian Somali sidaasi ayuu ahaa ayaan filayaa dhinaca kalena waxa la yidha Somalia ,waxa kale oo aan oga hay inay mudo qarni ku dhaw ka hor ay Madaxbanaanideeda Somalialnd qaadatay ( Xoriyadii Somaliland ka qaadatay Isticimaarkii Britain ee 1960 ) ma aqaano dhab ahaan waxa dhacay inay Xoriyada halgan ku qaateen iyo in kale balse waxa aan ogahay inay dhibaatooyinka Afrika wax soo jireena oo taas qof kasta waa uu ka dheregsan yahay in Ciidamo laysku adeegsado oo Xuduuda laysku qabsado iyo dalal kala go’aaba waa ay jiraan waana wax iska caadi ah”
“Halkan ayaan imid Saxibkeyna waxa aan rajeynayaa in uu igu soo biiri doono waxooga ka tid dadka reer Somaliland waa dad saaxiibtinimo waxa aan suuqa dhex lugeeyey mudo 2 saacadood ku sugan lugahayga qof I qash qashaaday ( Idhibay) ma jirin oo qof kasta waa ila hadlaayey oo isa laamayey balse meel walba Dawarsadayaal joogay mana jirin qof lacag iga qaadayey wax dhib ahna ma laha Dawarsadayaashu in kasta oo ay iska badan yihiin,marka aad ayaan u jeclaystay Somaliland waxana aan filayaa inay mustaqbalka dhaw Somaliland noqon doonto dalalka ugu badan ee Dalxiisayaashu ku soo hirandoonaan Mideatring Sea-ga ee Bariga qaaradda Afrika waxana jirta oo xaqiiqo ah inay Somaliland tahay dal jira oo ka go’ay Somalia waanan kala garanayaa imika waxa ay kala yihiin labadda dal balse dadku way ku wareeraan inay laba dal taas (Somaliland iyo Somalia) basle marka aad adisababa joogto way kugu adkaaneysa in aad kala doorato sababta ah waa laba dal hadana hal dal ayaa halkaasi laga aqoonsan yahay mana ahaa xaqiiqadda taasi waana mid adag in la sharaxo waayo meesha laba dal ayaa ka kala jira hadana hal dal ayuumba la yaqaana waana qaar aad u kala duwan gabi ahaanba aad baanan u jeclaystay markii aan Somaliland imid runtii”
Mr Luis Guilherme waxa uu ugu dambeyntii intaasi raaciyey “Waxa sharci ah inay wasaaradda arimaha dibadda marka ay dadka Ajaanka ah ee aan ee aan ka midka ahay ee dalxiisa yaasha ah dawladda Somaliland waxa ay raacisa ciidan la yidhaahdo SPU oo bileys ah waxana cid kasta ii sheegtay in aanay daruuri aheyn in ciidan la kaxaysto waanan fahmay taasi oo dalkan Somaliland waa mid nabadgelyo ah 100% boqol oo meel kasta aad mari karto ,waxa aan ka xumahay in Somaliland ay tahay qadiyad aan laga hadlin dalka Brazil gudahiisa oo qof kasta waxa uu ka hadla Somalia waana mid isku dhex yaaca oo kaliya ay mushkilada taalo waana meesha ugu khatarsan dunida halka aan ka hadlayo waa Somalia Brazilain-kuana ma yaqaanaan Somaliland
Source by Warbeyska Saxansaxo
Wariye:Cabdiwali Cali Ismaaciil
Gobanimonews/Hargeysa Office /Somaliland