“Mar Kasta Waxa Uu Leeyahay Cadaaladi Ma Jirto Kan La Ma Qaban Ileen Waabu Naga Soo Jorjeeda Oo Kursigeyga Ayuu Doonayaa In Uu Helo Oo Ku Fadhiisto “Wasiir Xirsi

 

“Mar Kasta Waxa Uu Leeyahay Cadaaladi Ma Jirto Kan La Ma Qaban Ileen Waabu Naga Soo Jorjeeda Oo Kursigeyga Ayuu Doonayaa In Uu Helo Oo Ku Fadhiisto “Wasiir Xirsi

Wasiirka (Gobanimonews)17-10-2014- Madaxtooyadda Somaliland Md Xirsi Cali Xaaji Xasan ,ayaa si farshaxnimo ah uga jawaabay   su’aal laga weydiiyey Xukuumadda uu ka tirsan yahay inay u cadaalad fashay Shacabka Somaliland Fiqiir iyo Tajirba si sinaan ah ,waxana uu sheegay inay intii taag tooda ah ay awoodaan ka xukuumad ahaan.

Xirsi Cali Xaaji Xasan ayaa isaga oo Wefti Madaxweynuhu hogaaminaayo ee London ku sugan ka mid ah, Wareysi siiyey Talefeeshinka HC-tv ,waxana wax laga weydiiyey dawladda uu ka tirsan yahay ee Xukuumadda Kulmiye mudadii ay xilka haysay inay shacabkeeda kala derajada ah ee reer Somaliland Fiqiir iyo Taajir u Cadaaladsaneysay mudadaasi ay jirtay iyada oo uu ku dhaartay inay inta karaankooda ah u Cadaalada faleen si simana dadka ku hogaamiyeen isaga oo farta ku fiiqay rag uu ku tilmaamay in aanay cadaalad kasta oo Xukuumaddu sameyso arkin balse kursigooda uun ku qanci kara oo Mucaaridka ah balse cida wax kala xukunta ay Shacabka tahay.

Wasiirka Madaxtooyadda Somaliland Md Xirsi Cali Xaaji Xasan oo arimahaasi ka hadlayey waxa uu yidhi “Waxa aanu aaminsanahay in aanu Cadaalad u sameyno intii awoodayada ah,laakiin cadaaladu waxa la yidhaahda waa shay qofka dhinac iska taago oo iyada oo cadaaladii la sameeyey ayuu qofka ay ku foorarta aanu u arkin in aan cadaalad loo sameynin oo laga eexday oo iyada oo laba tartantay ayaa kii wax helay uu u arka in uu cadaalad ku helay halka kii waayeyna uu u arko in cadaalad daro lagu sameeyey,marka cadaaladu waa noocaas oo kale oo cadaaladu waa System (Nidaam ) wax suurto geliya”

Xirsi oo hadalkiisa sii wata waxa uu yidhi “Nidaamkii suurto geliynaayey in cadaalad la helo horta ma jiraa oo metelan marka xaga xukunka laga eegayo waxa la yidhaahda xaakimki ma jooga oo markhaatiyadii ma joogaan oo muduci iyo madaacalay ma joogaan oo sharcigii lagu kala xukumaayey ma joogaan ma joogaan oo Muslim iyo Gaalba waxa laysku waafaqsan yahay nidaamka Cadaaladda la soo marinayaa,laakiin sida aad og tahay sida ku cad Xadiiskii (CSW) sida uu rasuulku tilmaamayey dhexdiina waxa aad ku doodaan ayaan idiin qaadayaa ee haysku dulmiyina ayuu yidhi Rasuulku marka waxa ay kuu muujinaysa hadii uu kani ka kale ka dood bato oo uu qanciyo Xaakimkii ama sheekhii ama Qaadigii wuu Xukumayaa waana halka ay Somalidu ka tiraahdo Ilaahoow aqoona ha nagu Cadaabin Eexna ha nooga tegin oo shayga lagu diidayaa waa in aanad eexanin waa in aanad nidaam aan dadka u dhex aheyn sameynin”

Wasiir Xirsi Cali Xaaji Xasan waxa uu intaasi ku daray “Nidaamkiina waanu sameynay eexana meyno oo Ilaahayba nagu og waxana aanu ku shaqeyneyna si kasta oo ay dadkayga dantooda iyo ta wadankooduba ku jirto ayaanu ku shaqeynaynaa,laakiin indhaha ka naga soo horjeeda naga soo horjeedo na lagu eegimaayo oo mar kasta waxa uu leeyahay cadaaladi ma jirto kan la ma qaban ileen waabu naga soo jorjeeda oo ka kursigeyga doonayaa in uu kursigayga helo mooyaane wax kale ku qanci maayo balse cida wax kala xukunta waa bulshadda iyaduna waxa aan aamin sanahay in aanu u qabanay shaqo fiican”

Wariye: Cabdiwali Cali Ismaaciil

Abdiwali1991@gmail.com

Hargeysa Office/Somaliland