Nairobi(GNA)-Madaxweynaha Kenya Uhuru Kenyatta ayaa sheegay in uu tegi doono maxkamadda dambiyada adduunka, kaddib markii garsoorayaasha maxkamaddu ay ka codsadeen inuu hor yimaada.Uhuru ayaa Maxkamadda hortegaya 8 bishan October oo ku beegan Maalinta Arbacada..
Uhru Kenyayya ayaa loo haystaa dacwad ah inuu ku lug lahaa qalalaasihii Kenya ka dhacay ee xigay doorashoyinkii 2007-da, taasoo uu beeniyay dhamaan eedeymaha loo soo jeediyay.
Waxa uu sheegay inuu xilka madaxweynaha ku wareejin doono ku xigeenkiisa, William Ruto, muddada uu ku maqan yahay maxkamadda.
Xubno xildhibaano iyo Wasiirro ah oo dawladda Kenya ka tirsan ayaa u sii gogol-xaadhaya tegitaankiisa Maxkamadda, kuwaasoo maalmihii la soo dhaafay u dhoofay waddanka Maxkmaddu ku taalo ee Holland.
Uhuru iyo saaxiibeyaashiisa Afrika ayaa horey ugu gacan saydhay caddaalada Maxkamadda, iyagoo ku tilmaamay mid lagu cabudhiyo Hogaamiyeyaasha Afrika oo aan dhex u ahayn Adduunka.
Madaxweyneha Kenya ayaa noqonaya hogaamiyihii labaad ee ka mid ah Madaxweyneyaasha wadamada IGAD ah ee Maxkamadda Hague dacwad ku oogto, waxaana ka horeeyay Madaxweynaha Sudan Cumar Xasan Al-bashiir oo ah Madaxweynaha Sudan.