Haashka ama filterka Sigaarka oo la shaaciyay in laga sameeyo dhiiga doofaarka

(GNA)Proffessor Simon chapman oo u dhashay dalka Australia isla markana bare ka ah jaamacada Sydney oo la hadlayay Sydney daily Telegraph ayaa waxa uu sheegay in baaritaan lagu sameeyay dalka Holland uu daboolka ka qaaday in filterka sigaarka laga helay raadadka dhiiga doofaarka

 

Waxana uu sheegay inuu u digayo dadka aaminsan diimaha xaaraantimaynaya cunida hilibka doofaarka ,waxana uu intaa ku daray in baaritaankan lagu ogaaday in doofaarku ku lug leeyahay isticmaalka 185 ka mid ah waxyaalaha la farsameeyo,waxana uu sheegay inuu filayo in arrintani ay wel wel culus ku abuuri doonto muslimiinta iyo Yuhuuda si weyn ugu dhaqma diinahooda

 

Baaritaankan ayaa waxa uu cadeeyay in dhiiga doofaarka loo adeegsaday inuu filtirka sigaarka si weyn u xannibo kimikada Nicotinka ka hor int uusan gelin sambabada qofka sigaarka cabaya Waxa uu Proffessorka sheegay in inkasta oo shirkadaha sigaarka sameeya qaarkood ay websaydyadooda ku soo bandhigeen waxyaalaha uu ka kooban yahay sigaarka ay sameeyaan balse ay jiraan waxyaalo ay qariyeen oo aysan soo bandhigin

 

Xigasho: Sydney daily Telegraph