ciidanka amisom oo waddooyinka maraya[/caption]Muqdisho(GNA)-War kasoo baxay Wakiilka midowga Afrika ee Somaliya ahna madaxa hawl galka midowga Afrika ee AMISOM danjire Maman S. Sidikou ayaa lagu sheegay in Ciidamada AMISOM gabi ahaantoodba laga baarayo cudurka dilaaga ah ee EBOLA.
Maman S. Sidikou waxa uu sidoo kale daboolka ka qaaday in ay ka feejigan yihiin inuu cudurka Ebola soo gaaro Soomaaliya, taasina waxa uu ku sheegay in looga hortagaayo dadaalo ay muujinayaan.
Nuqul kamid ah warkaasi ayaa waxa lagu yiri “Waxaan rabnaa inaan u xaqiijino shacabka Soomaaliyeed iyo caalaamkaba in AMISOM qaadatay tallaabooyin lagu xaqiijinayo inaanu Soomaaliya soo gaarin cudurka halista ah ee Ebola.”
Wuxuu kaloo yiri “Waxaan hakinay ciidamo dalka Sierra Leone ka imaan lahaa oo bishii July ee sanadkan bedeli lahaa kuwii horey halkaan u joogay.”
Dhanka kale, danjire Maman waxa uu Tilmaamay in waxwaliba oo garaafeyn kara jiritaanka Somalia ay uga hortagi doonaan sida ugu dhaqsiyaha badan, isagoona cadeeyay inay la kaashan-doonaan cid waliba oo ay u arkaan inuu khuseeyo.
Dowladda Somaliya, ayaa waxay Khamiistii sheegtay inay la socon doonto dhaq dhaqaaqa Ciidamada AMISOM ee la keenaayo dalka, ilaa iyo inta ay taagan tahay mushkilada ka dhalatay Ebola.
Askari ka tirsan guuto ka socda Sierra Leone oo loo soo waday Soomaaliya ayaa todobaadkii hore laga helay cudurka Ebola, taasoo qayb ka ah hakinta ciidamada cusub ee soomaaliya soo aadaya.
Cudurka Ebola ayaa la sheegay inuu ka dilaacay Dalka Itoobiya todobaadkii hore, taasoo sababtay in dalka Djibouti xadka uu la wadaago xirto.
Gobanimonews
Muqdisho Office