Madaxweyne Xasan Sheekh oo Muqdisho u dhaafay dalka Bilguim oo uu Booqasho shaqo ku tegay..
“Maanta fursad ayeynu heysanaa waa inaad isku dulqaadataan oo aad meel wada fariisataan si mar walba midnimadda loo ilaaliyo “
Madaxweynaha Soomaaliya Mudane Xasan Sheekh Maxamuud ayaa wada-hadallo iyo la tashiyo la soo sameeyey qeybaha kala duwan ee Bulshadda kuna dhiiro-geliyey in artagtida kala duwan lagu xaliyo wadahadal ,dib-uheshiisiin, is-afgarad iyo nabad.
Madaxweyanaha Soomaaliya Xasan sheekh Maxamuud ayaa ka mahad-celiyey sida loogu soo dhaweyey magaalada Baydhabo isla-markaana ugu baaqay siyaasiyiinta iyo shacabka inay midnimo muujiyaan .
“Maanta fursad ayeynu heysanaa waa inaad isku dulqaadataan oo aad meel wada fariisataan si mar walba midnimadda loo ilaaliyo”ayuu yiri.
“marar badan ayey dhibaato ka timid is-maqli waa iyo dulqaad yari. Dowladda ayaa hormuud u ah wax walba oo dalka ka socda iyada ayaana masuuliyadda leh marka waa in Dowladda looga dambeeyo waxyaalaha loo igmaday” ayuu yiri Madaxweynahu.
Geesta kale Hogaamiye dhaqameedyadda iyo dhammaan dadkii kale ee uu la kulmay Madaxweyanaha ayaa ka mahad-celiyey booqshadda labadda maalmood ahayd ee uu Madaxweynahu ku joogay Baydhabo.
Sidoo kale Madax Dhaqameedyada Ballan qaaday inay sii wadayaan wadahadaladda Dowladdana la shaqeynayaan.
Xasan Sheikh Maxamuud ayaa Baydhabo tegay xili ay meel adag marayso xiisada ka dhalatay Maamul u sameynta Saddexda Gobol.
Laba Madaxweyne sheegte ayaa ka soo baxay Shirar muddo ka socda magaalada, laakiinse mid mida ayaa taageero ka helay Maamuladda kale ee dalka ka jira, sida Puntland iyo Jubaland.
Sidaasoo ay tahay xaaladda ayaa wali u muuqata mid cakiran oo meel wax laysla dhigay jirin, inkasta oo Madaxweynuhu Guddiyo Wasiirro iyo baarlaman isugu jira arrinta ku wareejiyay.
dhinaca kale, Madaxweynaha Somalia iyo wefti uu hogaaminayo ayaa isla maanta u dhoofay dalka Bilguimka, halkaasoo uu kaga qayb gelayo shir Caalamiya.
Gobanimonews
Muqdisho Office
Email: editor@gobanimonews.com