Arjen Robben: “Ka badan baan Ka Filayay Real Madrid”

Arjen Robben: “Ka badan baan Ka Filayay Real Madrid”

Laacibka baasha uga ciyaara kooxda Bayern Munich ee Arjen Robben ayaa ku dooday inuu 1-0 ka badan ka filanayay kooxda reer Spain ee Madrid kadib ciyaartii semi finel Champions League ee fiidkii caawa guuldarada 1-0 ka ahi ku soo gaadhay garoonka Santiago Bernabeu.

Robben oo laba sanno ku qaatay Madrid ka hor intii aanu ku biirin Bayern Munich 2009 kii, ayaa diiday in awooda kooxdiisu ay tahay mid mala awaal ah ee aanay ahayn mid midho dhal samaysa.

“Waa inaan u doodaa kooxdayda.” ayuu weeraryahanka reer Holland ku yidhi warbaahinta NOS oo uu waraysi siiyey markii ciyaartu dhamaatay.

“Waxaanu ku soo bandhignay Santiago Bernabeu inaanu naha koox heer caalami ah, laakiin hadana waa nalaga guulaystay, waxaanu ahayn kooxda awooda badan. Waxaan ka filayay ka badan Real Madrid.

“Waxaan ka filayay Madrid inay na dardarto laakiin halkii ay sidaas ka samayn lahaayeen way na sugayeen oo waxay noo ogolaadeen inaanu garoonka si walba u dhex qaadno.