Aduunyadu ma sidaasay u dhib badan tahay? Maxaa anigga igu weegaara aafaadka iyo amakaaga nolosha? Aduunyada hadaan moodayo inay sidaas u dhib badan tahay mabaan imaadeen! Oo tolow xagee buu joogi lahaa?
Inta ugu badan wakhtigayga waxaan ku qaataa wer-wer, mana garanayo waxa aan ka wer-werayo! Haddii aad ku jirto xaalada aan ku jiro maxaad samayn lahayd? Intaa waxa ii dheer amakaag iyo oohin aan saacadaha qaar ka ooyo waayaha nolosha.
Si deg-dega ayaan u lebistay aniga oo dareensan inaanj hurdada ku daahay, waxaan u baxay debeda guriga aniga oo damacsan inaan dhulka jeedaaliyo.
Waa muuni arooryaad oo qurux badan, cirka waxa ku gedaaman oo guud ahaan ku saameelan fadad daruuro ah oo qurux badanm waxa aan si kada looba u kamandhuudhsaday kaabadii guriga, waxaan diyaar u ahay oo aan isu xidh-xidhayaa dugsigaygii waxase igu raagay oo aan sahaminayaa saaxiibkay ridwaan . hal-cabaara markii aan fadhiyey jardiinadii guriga ayaan raagsaday saaxiibkay ridwaan, aniga oo kaataa dhabloonaya ayaan tallo ku goostay inaan la hadlo saaxiibkay, nasiib darrose telefoonkiisii wuu xidhan yahay. Aniga oo ka yoolsan xaaladan saaka ayaan meel fog ka halacsaday bidhaan soo hadoodilan. Waxaan ilaaway xaaladii aan ku jiraym dareenkayguna waxa uu si dhaba ula qabsaday muuqaalka cajiibka ah ee gabadh lagu manaysatay, fadhigiibaan hayn waayey! Oo waan istaagey, indhaha ayaan mar-maray oo waxaan is idhi malaa waa riyo ‘e run maaha!!! Muuqaalka aad daa’uuska moodo! Qaab dhismeedka soo jiidashada leh, indhaha aad kuwii cawsha moodo, muunada iyo siinada qurxoon ee lagu macsuumay waa kuwo naftaydii khal-khal geliyey oo wax yeelo gaadhsiiyey habdhiska dareen wadkayga.
Waxa iga luntay kalsoonidii naftayda, inantii way yaaban tahay! Waxana ay is leedahay yarku miyaanu sax ahayn? Sowkan indhaha kaa dhex saaray? Dhawr daqiiqadood ayaan si xidhiidha oo aan kala go’ lahayn u daawanayey dheeha nuuraya iyo dhabanka gaaridan ee dhalaalka badan, waxaad moodaa oo ay iiga dhigan tahay cadceed subax iftiinka wejigeeda waxaad ubax buluuga oo harro biyo ah dhex jiifa, ruuxay hor martaana waxa uu la mid yahay mid la jawaafay, udgoonkeeda waxa aad moodaa saxansaxo roobaad markay ku soo ag martana waxaad moodaa in janno fardowsa daaqad lagaaga furay!!!!
Ma’ogtahay inaad tahay
Uabax webi ku yaaloo
Ruuxii mar eegaa
Ku il doogsanaayoo
Kal gacaylku ibbo fura?!!!! Cali dhananiye
Waxaan uurka iska leeyahay mala hadashaa? Ma iska deysaa? Laakiin hadalba cunahayga ma soo marayo, marbaan isku dayey inaan la hadlo markiina waxaan hadal dhaafin waayey: qalanjooy, een, een hadal saxana waan odhan kari waayey, laabtu way hugmaysaa waxana ay la hiiraagaysaa hadal tan dhaafa, balse yaa ii miciina oo xanuunkiisa isoo dhaafiya? Haddii xaaladan oo kale kugu timaado maxaad samayn lahayd?
“wadnuhu fugtaasuu I hayaa” waxa iga soo dareeray dhidid kulul iyo ilmo{oohin} xanuun badan .
Gaaridii way amakaagsan tahay! Balse iyada oo aanaan weli wada hadlin ayay I dhaaftay, aniga oo si habayac iyo jiitan ka muuqdo u soconaya ayaan u luuday xagaa iyo gudaha guriga, waxana hadal iigu danbaysay hooyooy meel aan jiifsado ii gogol, anigoo dawakhsan ayaa isku tuuray meeshii la ii goglay wixii saacadaa ka danbeeyeyna ma garan karo dareenkaygu sidii uu ahaa. Waxa aan sii xasuustaa roob tiix-tiixayey ka hor intaanaan soo geli gurada guriga, waxaan sii xasuustaa hooyaday oo leh alla hoogaye maxaa wiilkaugii asiibay xilligan?
Gabadhii waxay si toosa u dhex mushaaxaysaa inta u dhexaysa beerka iyo wadnaha! Waxa aan maqli jirey xuural cayn” tollow ma xuural cayntii oo jannada fasax ka soo qaadataybaa? Istaaq furalla xuural cayntu maxay ifka ka soo doonaysaa? Saacado kadib waxaan dareemay inaan caafimaad qabo, laakiin waxa igu soo siyaaday maahsanaan iyo xasuus xoog badan oo ay yartii noloshayda ku reebtay! Waxa aan isku ciil kaan biyaa maxaad ula hadli weyday gabadhaasi ku durtay ee naftaada jiidatay? Miyay qurux badnayd inaan la hadlo gabadhaasi? Akhriste adigu ma aragtay gabadha aan sheegayo? Haddii aad aragto maxaad ku odhan lahayd? Maxaan sameeyaa hadda? Haddaan fariin kuu dhiibo ma u geynaysaa gabadhaas? Bal xasuuso noloshaada inaad maalina aragtay gabadha aan sheegayo. Miyaad aragtay ?!! malaa jinbay ahayd!!!!!!!!!
W/Q. Abwaan Cali dhanaaniye
Sheeko xiiso badan!
23-12-2012
Dhamaad.