Tababaraha Arsenal Arsene Wenger ayaa si aad ah u amaanay xiddigiisa khadka dhexe Aaron Ramsey kaasoo xilli ciyaareedkan ku jiro qaab ciyaareed aad u wanaagsan.
Ramsey ayaa xalayto labo gool ka dhaliyay kooxdiisii hore ee Cardiff City kulankii ay 3-0 ku badisay kooxdiisa Arsenal, waxaana ay aheyd goolkii 13aad ee uu dhaliyo xilli ciyaareedkan tartamada oo dhan.
Wenger ayaana kulankaas ka dib la weydiiyay haddii uu 50 milyan ginni ku iibin lahaa Aaron Ramsey, waxaana uu ku jawaabay:
“Maya. Ma dooneyno inaan cidna iska iibino, waxaan dooneynaa inaan kooxda isku heyno si wadajir ah. Muddo sannado ah ayaan ku soo dhibtooday inaan ciyaartoy iska iibiyo.” ayuu yiri Wenger.
“Haatan waxaan ku jirnaa boos xoogan dhaqaale ahaan. Ramsey mar walba waa uu iga yaabsanayaa. Ciyaaryahan ahaan waa uu weynaaday iyo weliba shaqsi ahaan. Halkaan waxaan u nimid sannado yar ka hor FA Cup, markaasna xaalada waa ay ku adkeyd. Haatan waxa uu soo bandhigay inta horumar ee uu sameeyay.”
Kooxda Juventus Oo Doonaysa Daafaca Kooxda Real Madrid Sergio Ramos
Kooxda Juventus ayaa bilowday inay xiriir lasamayso daafaca kooxda Real Madrid Sergio Ramos si ay ugu qan ciyaan inuu ku soo biiro kooxda horyaalka talyaaniga.
Sida uu soo tabinaayo Tutto Mercatto kooxda Juventus ayaa baadi goobaysa daafac bir ah waxayna u arkeen Ramos inuu yahay mid ku haboon iyaga.
Ramos ayaa ku jira waqti xun kadib markii la shaaciyay inay isku dhaceen tababaraha iyo madax waynaha kooxda, Juventus ayaana doonaysa inay ka faa idaysato qilaaf kaas oo ay laacibkaan ku qanciso inuu ku soo biiro kooxdooda.
Wargaysku ku ma uusan darin in Juventus ay laacibkaan doonayso janaayo iyo in xiisaha kooxda ree talyaani uu yahay xaggaaga.
waxaa xusid mudan in Ramos iyo kooxda Real Madrid ay beeniyeen labaduba inuu katagaayo kooxda lakiin kooxda Juventus ayaa aaminsan in laacibkaan ay heli karaan.