Hargeysa(GNA)-Sanad wanaagsan akhristeyaal, tirsiga Taariikhda Miilaadiga ah, oo kala wareega wakhtigu goor dhaweyd isu bedelay 1.1.2014.
Waxa Caalamku ka soo gudbay sanad, waxaana loo gudbay tirsiga Taariikh cusub oo la waajahayo maalmaha ku jira.
Sanadkii tegay ee 2013, ayaa ahaa mid ay Dunidu soo martay marxalado kala duwan iyo dhacdooyin xusuus kaga tegay dadka, kuwaasoo ay dadku ku xasuusan doonaan.
Sidoo kale Bilyans qof oo adduunka korkiisa caawa ku uuman, ayaa soo dhaweynaya sanadka cusub ee bilanaya, kaasoo ay ka rajeynayaan reyn reyn iyo bash-bash.
Dadyowga haysta Diimaha kala duwan ee aan ta islaamka ahayn, ayaa u dabaal degaya curashada 2014-kii, laakiinse Umadda Islaamku waxay wadaag kula yihiin tirsiga taariikheed ee kala dhexeeya mujtamaca kale.
Inta badan Dhulka Somalidu degto ayaa sanadku ugu soo galay nabad gelyo iyo xasilooni, inkasta oo ay Gobollada koonfurta wali xaalad amni daro ka sii jirto gobollada qaar.
Sanadkii tegay saacado ka hor ayaa somalida u ahaa mid guul iyo dhibaato labadaba ay ka soo martay, rejo wanaagsana ay ka filayso kan cusub.
Magaalada Dubai ee Caasimadda isu taga Imaaraadka Carabta ayaa laga shiday Shamaca damaashaadka lagu soo dhaweynayo sanadka 2014-ka
Halkan ka Daawo:
Maamulka Gobanimo News Agency wuxuu Akhristeyaasha iyo Umaddaha Adduunka ku hambalyaynayaa bilashada Guga cusub ee Milaadiga.
“Waxaanu idinleenahay dhamaantiin Alle sanadkan kiisa kale ha inagu gaadhsiiyo Bash-bash Barwaaqo iyo bilasho kale oo kheyr leh.”
Saleban Cabdi Cali
Gobanimonews Chief Editor
Hargeysa
Email: curad1986@hotmail.com