Hargeysa(GNA)-Guddoomiyaha Baanka dhexe ee Somaliland Cabdi Dirir Cabdi, ayaa ka hadlay sababta keentay qiimaha Lacagta Doollarka ah oo kor u kacay maalmahan, waxaanuu tilmaamay inay rajaynayaa in dollarku illaa sabti berri ah uu hoos u soo degi doonoCabdi Dirir Cabdi oo shalay Warbaahinta, ayaa waxa uu Golaha wakiillada ugu baaqay inay ansixiyaan xeerka Baananka Ganacsiga oo hadda horyaalla golahaasi, kaas oo uu tilmaamay inuu faa'iido badan u leeyahay dalka, isla markaana loo baahan yahay inay dalka yimaaddaan baanaka caalamiga ahi.
Guddoomiyaha Baanka dhexe ee Somalilad Cabdi Dirir Cabdi oo arrimahaasi ka hadlaya waxa uu yidhi "Xoogaa ayuu kor u kacay qiimaha doolarku, waxa suuqa galay mushaharadkii oo lacag Somaliland ah oo badan ayaa suuqa gashay, marka ay gashana qiimaha dollarka ayaa kor u yara kaca, waxaanu rajaynaynaa in wixii ka dambeeya sabtida uu Doollarku hoos u soo dago, oo waxa aynu maraynaa bishii sagaalaad, waxaanu u ragnaa in arrintani aanay ahayn mid baqdin iyo warwar midna na gelisay, wkhti aan ogaynna waxa aad arki doontaan dollarkii oo hoos u dhacay"
Cabdi Dirir Cabdi oo baaq u diraya Golaha Wakiilada, kaas oo ah inay ansixiyaan xeerka Baananka caalamiga ah waxa uu yidhi "Xeerka hadda horyaalla Golaha Wakiilladu waa xeerka Baananka Ganacsiga ee sida reer galbeedka oo kale, in baananka caalamiga ahi yimaaddaana wa arrin aynu u baahannahay, waana arrin waddanku baahi u qabo, waxaanu rajaynaynaa in Golaha wakiilladu ansixin doonaan xeerka baananka ganacsiga ee horyaalla oo ah mid aynu u baahannahay".
Gobanimonews
Hargeysa Office