Beled-weyne(GNA)-Dagaalyahano ka tirsan Ururka Alshabaab, ayaa laga wareegay deegaamo ka tirsan Gobolka Hiiraan, dhulka uu maamulo Maamulka la baxay West land, dadka deegaanka ayaa sidaas sheegay.Waxa laga qabsaday Deegaamada ku yaalla soohdinta u dhaxaysa Gobollada Hiiraan, Sh. Hoose iyo Bakool, halkaasoo dagaal culusi ku dhex maray Ciidamo taabacsam maamulka west land.
Nabadoon Xassan Aadan oo kamid ah Madaxdhaqameedka Degmooyinka la qabsaday ku sugan, ayaa ka waramay khasaaraha dagaalka ee inta la ogyahay, waxaanu sheegay in waxyeelo ka soo gaartay dad shacab ah, sidoo kalena Kooxda Alshabaab laga dilay ku dhawaad 5 dagaalyahan.
Waxa uu intaas raaciyay in laga faro maroojiyay Isbaarooyin ay dhigteen waddooyinka isku xidha dhowr magaalo, iyo Saldhigyo kale oo dhufaysyo u ahaa.
Waxa uu tilmaamay in wali dhaqdhaqaaq ciidan laga dareemayo dhulka uu dagaalku ka dhacay, kaasoo ay samaynayaan maleeshiyaadka maamulku.
Alshabaab ayaa dhawaan tan iyo bishii August laga qabsaday ugu yaraan afar degmo oo muhiim ah, kuwaasoo ay badankooda kala wareegeen Ciidanka Dawladda iyo kuwa AMISOM.
Waxaana meelaha laga qabsaday ugu muhiimsanaa Degmda Baraawe oo ay todobaadkii hore si nabad ah ula wareegeen huwanta dawladdu.
Waxaana wararkii ugu dambeeyay ee weerarka Baraawe sheegayaan maanta inay Ciidamada dawladda iyo kuwa amisom ku sii siqayaan Degmada Sablaale oo xad la wadaagta Baraawe, kana tirsan Sh. Dhexe.
Madaxda Faafinta Dacwadaha ee Alshabaab Sheikh Fu’aad Shangoole oo markii Baraawe laga qabsaday hadlay ayaa qiray inay faarujiyeen Dhul badan oo gacantooda ku jiray, balse aanay ka niyad jabi doonin jihaadka.
Gobanimonews
Muqdisho Office
Email: editor@gobanimonews.com