siyaasi da'yar oo taageero sheegtay[/caption]Hargeysa, Somaliland, (GNA)- Musharax Xasan Cali Aadan ayaa sheegay inuu isku soo taagayo tartanka golaha Wakiiladda Somaliland oo la filayo inay sanadka dambe ka dhacdo Somaliland.
Musharax xildhibaan Xasan Cali Aadan ayaa sheegay inuu taageero badan ka haysto dhalinyaradda iyo aqoonyahanka gobolka Gabiley, kuwaas oo ku dhiirigaliyey inuu xilkaasi isku soo taago, isla markaana ka qaybqaato kaalinta Dhalinyaraddu kaga jiraan horumarka dalka.
Musharax Xasan Cali Aadan oo shalay shirjaa’id ku qabtay magaaladda Hargeysa ayaa ka warbxiyey sababta ku kaliftay inuu isa soo sharaxo, waxaanu yidhi “ magacaygu waa Xasan Cali Aadan, waxaana ahay muwaadin u dhashay Somaliland oo doonaya inuu wadankiisa wax u qabto waxaana igu dhiirigaliyey dhalinyaradda iyo aqoonyahanka gobolka Gabiley kuwaas oo igu taageeray inaan musharax ka noqdo xildhibaanadda golaha Wakiiladda, si aan uga qaybqaato horumarinta iyo kor u qaadidda hanka dhalinyaradda si ay uga midho dhaliyaan hamiyadda badan ee niyadoodda ku jira”
“ Arrintaasi waxay igu dhashay markaan ka fikiray daraasad badana ku sameeyey baahiyaha badan ee dhalinyaraddu u qabaan inay taladda ka qaybqaataan oo meelaha laga go’aaminayo masiirkoodda gudaha ugu dhacaan, sidaa darteed markii aan arkay dastuurka Jamhuuriyadda Somaliland markaan la tashaday salaadiinta, waxgaradka, siyaasiyinto iyo odayaasha gobolka.
Markaan arkay baahiyaha jira ee ay u qabaan dadka jamhuriyada Somaliand, sharci dejinta tayo leh, waxaan go’aansaday inaan isu so taago xildhibaanadda golaha Wakiiladda Somaliand oo dhici doonta badhtamaha sanadka soo socda 2015 sida lafilayo, wali maan go’aansan xisbiga ka soo dhex tartami doono, balse wadatashi dambe ayaan ka yeelan doonaa, anigoo daraasadeyn doono xisbiga aan u arko inuu dhalinyarada la shaqaynayo”.
Mar uu ka hadlayey waxa ku kalifay waxa uu yidhi “ Sababta igu weyn ee aan isu soo taagay waxa ka mid ah horumarinta dhamaan hawlaha sharci dejinta ee loo igmaday golaha Wakiilada ugana hawlgali doono si cadaalad iyo karti ay ku dheehan tahay, waxaana loo baahan yahay dhalinyaro badan oo aqoon yahano oo dadka iyo dalkaba u shaqaynaya oo hawlo qaran ka horeysiinayn danta gaar ah, waxaana ballanqaadayaa inaan u hogaasami doonno inaan ku shaqeeyo baahiyaha umada ka jira sidiii wax looga qaban lahaa iyo sidii dhalinyaradda mustaqbal fiican loogu hagi lahaa”.
Si kastaba ha ahaatee, Xasan Cali Aadan ayaa ka mid ah hal doorka dhalinayaradda reer Gabiley, isla markaana kalsooni badan ku leh inuu cod aqbalabiyad ah ka heli doono dhalinyaradda iyo haweenka oo u badan kuwo codeeya.
Gobanimonews
Hargeysa Office
Email: editor@gobanimonews.com