Paris: October 15, 2014- (GNA)-Madaxweynaha Faransiiska, François Hollande, ayaa maanta xarunta Madaxtoooyada ee Jamhuriyadda Faransiiska si diirran ugu soo dhoweeyay Madaxweynaha Soomaaliya, Xasan Shiikh Maxamuud.Kulan ku dhex maray labada hogaamiye Qasriga looga arrimiyo dalka Frances-ka oo saacado qaatay ayaa waxa la sheegay in Labada Madaxweyne kaga wadahadleen iskaashiga labada Jamhuuriyadood ee Soomaaliya iyo Faransiiska ee dhinacyada difaaca, ammaanka iyo horumarinta.
Laakiinse war faahfaahsan lagama helin qodobada sida gaarka ah laysa soo qaaday ee kulanka lagu gorfeeyay.
Madaxweynaha Soomaaliya Xasan Sheikh Maxamuud oo hadlay markii shirku dhamaaday kaddib, wuxuu ka mahadceliyay soo dhoweynta isaga iyo wafdigiisa iyo taageerada ay Dowladda Faransiisku oo kursi joogta ah ku leh Golaha Ammaanka ee Qaramada Midoobay kaalmada ay ka geysato ilaalinta midnimada Soomaaliya iyo la dagaallanka kooxaha xag jirka ah ee umadda Soomaaliyeed kala dagaallamaya nolosha.
Dawladda faransiiska ayaa asliyan soomaalida oo dhan ka gacan siisa la dagaalanka Budhcad-baddeeda, iyadoo dhinaca kalena door weyn ku leh Ilaalinta biyaha Soomaaliya.
Waxay ahayd markii ugu horreysay ee Madaxweyne Soomaaliyeed uu booqdo Madaxtooyada Faransiiska tan iyo markii ayt burburtay Dowladda Soomaaliya sannadkii 1991.
Ka hor inta aan labada Madaxweyne kulmin, Madaxweynaha Soomaaliya Xasan Shiikh Maxamuud, wuxuu salaam sharaf ka qaatay ciidammada Madaxtooyada Faransiiska.
Hoos ka Daawo Sawirro dheeraad ah:
Gobanimonews
London Office