Burco(GNA)-Hay’ada wadaniga ah ee Sanaag Development Foundation ayaa Maanta kutub ku wareejiyay Masaajidada Magaalada Yiroowe.Kutubtan oo isugu jirtay noocyo kal duwan ayaa waxa Hay,ada kala wareegay Gudoomiyaha Culimada Magaalada Yiroowe C/raxmaan Maxamud Jaamac.
Gudoomiyaha Hay,ada sanaag Development Kayse Xasan Cabsiiye ayaa ka hadlay qaybintaas kitaabta waxaanu sheegay inay barmaamujkan kaga qayb qaadanayaan kobcinta goobaha lagu cibaadaysto iyo kuwa diinta lagu barto.
waxaanu yidhi''Halkan waxaanu ku Godoonsiinaynaa Kutub aad u badan oo Boqolaal kitaab Gaadhaya,waxaanu ugu talogalay in Gudoomiyaa Culimada Yiroowe uu Masaajidada u qaybiyo,waxaanu kale oo kitaab usoo qaybinay Burco,Caynabo iyo Magaalooyin kale,Hay,adani waxay ka shaqaysaa waxyaabaha khayriga ah waxaanuna kitaabtaas kasoo qaadanay dad ilaahay khayr siiyay.”
Gudoomiye Ku xigeenka Hay’ada Cabdale Xuseen ayaa sidoo kale sheegay inay sii wadayaan adeega iyo khayriga ay ka shaqeeyaan.
Gudoomiyaha Culimada Yiroowe C/raxmaan Maxamed Jaamac ayaa ka mahadnaqay agabka la soo gaadhsiiyay ''Waanu ka Gudoonay Hay,adan Sanaag Development Foundation Kutubtaas,Magaalada Yiroowe waxay leedahay Masaajid badan aad baanan ugu baahnayn Kutubtan,Masaajidadaasina waxay kale oo u baahanyihiin,dayactir iyo Gogol waanay u baahanyihiin cid kasta oo muslim ah oo u keenaysa wixii Masaajidadaasi u baahanyiiin sida Hya,adan Kutubta u keentay.”
Axmed Muuse Maxamed
Gobanimonews
Burco Office