Saturday, October 11, 2014

Xoghayaha Dawladda hoose ee Burco oo ka waramay waddooyinka cusub

S2890009Burco(GNA)-Xoghayaha Dawlada Hoose ee Burco Cismaan Maxamed Sh. Cismaan ayaa Maanta ka war bixiyay Mashaariic waddooyin ah oo ka socda magaalada.

Cismaan Maxamed Sheikh Cismaan, ka warbixin wariyeyaasha ka siiyay halkay marayso Wadada laami ah oo toban kiiloo mitir ah oo beryahii u danbaysay ka socotay Magaalada dhexdeeda, isagoo dhinca kale uu Xoghayuhu dadwaynaha ka codsaday in wadada ay ilaaliyaan oo Xashiishka iyo Biyaha laga daayo.

Xoghayaha Dawlada hoose ee Burco oo arimahaas ka hadlaya ayaa yidhi ''ayaamahba waxaanu Magaalada Burco ka wadnay wadooyin kala duwan oo qaar dib loo habaynayo iyo mid Cusub labadaba ,wadadan aynu maanta joogno oo wada Baaba’aday ahayd waxaa la dhisay 1971 mudo dhawr iyo Afartan sano laga joogo. waxaana nasiib u yeelatay in dib u habayn lagu sameeyo oo quruxdaas aad aragtaan loo yeelo Maamulkayagan hada jooga,waxaanay gaadhaysaa Lacagta ku baxday Hal Milyan iyo Konton kun oo Doolar.” Ayuu yidhi.

Waxaanu hadalkiisa raaciyay “Sidaas awgeed waxaanu dadwaynaha Reer Burco u sheegayanaa inay lexejeclo u yeeshaan oo ilaashadaan oo aanay xalka iyo qashinka ku shubin,Wadadani Magaalada Bilicdeedii bay hagaajisay,waxaanu codsanayanaa in dadwaynuhu nala ilaaliyaan.” Ayuu yidhi Xoghayuhu.

Dawladda hoose ee Burco ayaa dhawaan bilowday waddooyin tiro badan oo ay ugu muhiimsantahay waddo 13 KM oo ku soo wareegaysa badhtamaha Magaalada.

Axmed Muuse Maxamed

Gobanimonews

Burco Office

Email: axmedmm9@hotmail.com