Hogaanka Xisbiga Mucaaridka ee Ucid xubno kamida oo uu hogaaminaayey Eng Faysal Cali Waraabe iyo Murashaxa Madaxweynaha Xisbigaasi ayaa gaadhay magaalada burco, soo dhaweyn tii loo sameeyey ayaa ahayd mid meeqaamkeedu aad u hooseeyey ka dib markii qaar kamida dhalinarada burco ay isu xilqaameen inay mudaharaad kala hor tagaan xubnahaasi.
Dhawaan ayey ahayd markii Jamaal Cali Xuseen oo ah murashaxa Madaxweynaha ee xisbigaasi UCID uu dhawaan kasoo yeedhay hadal deel qaaf ku ah dadka reer burco islamarkaana uu sheegay in saraakiishii ciidanka ee la dilay ay ka danbaysay beel kamida beelaha dega burco, taasi oo ay ka cadhoodeen dadka reer burco islamarkaana ku tilmaameen hadal aan looga fadhiyin Jamaal iyagoo dhankooda ku baaqay inaanay haba yaraatee wax coda siinayn Jamaal cali xuseen iyo xisbigiisa.
Jamaal cali Xuseen oo dhawaan gaadhay magaalada gabiley ayaa sidoo kale sheegay inuu yahay nin kasoo jeeda Habar Magaado sidaa awgeed uu warbaahinta ka codsaday in lasii daayo hadal ay jeedisay islaan ku dhawaaqday inay yihiin habar magaado, waxaana halkaasi ceebtii ugu xumayd ka raacday Jamaal cali xuseen iyo waftigii uu hogaaminayey taasi oo qiimo dhac weyn ku keentay Murashaxnimadiisa iyo mucaaridnimada xisbiga ucid oo isu bedeshay qabyaalad aan lala gaban.
Soo dhaweynta aan meeqaamka sare lahayn ee maanta magaalada burco loogu sameeyey xisbiga ucid ayaa ahayd midii ugu liidatay ee abid lagu qaabilo madax ka socota ucid, iyadoo aan inta badan laga dareemin xaafadaha magaalda burco dadkii soo dhaweeyeyna ay ahaayeen dad tiro yar oo faro ku tirisa sidoo kale ay ku jiraan dadka ku suntan astaanta qabyaalada burco.
Xubnahan uu hogaaminaayey Eng Faysal Cali waraabe ayaa maanta wajiyadooda laga dheehanaayey murugta soo dhaweyn la,aanta ay kala kulmeen burco islamarkaana iska qoomamaynaayey hadaladii uu Jamaal cali xuseen dhawaan mariyey warbaahinta kuwaas oo ay ka xumaadeen dadka reer burco.
Mucaaradka Somaliland ayaa beryihii ugu danbeeyey lasoo baxay qabyaalad taas oo ay isla soo taagaan Masraxyada siyaasada, qabyaaladaas ayey ka Dhaka fareen bulshada Somaliland, waxaana ay la yaaban yihiin Xiyaasiyiinta doonaya madaxtiniamda hadana ku baaqaya qabyaalada , waxaana ay dadweynuhu is waydiinayaan maanta oo mucaaradkii sidan yahay ayaa la arkaaye hadii ay talada wadanka qabtaan maxay u horseedi doonaan ?
By: Cali Xasan
