Hargaysa(GNA). Xildhibaanada golaha deegaan caasimada hargaysa ayaa sheegay in la xidhay oo xabsiga loo taxaabay dad ku laba noqday diwaan galinta madaniga ah ee ka socota dalka kuwaas oo ay sheegeen in maalmahii u dambeeyay lagu qabtay goobaha ay ka socoto diwaan galinta madaniga ahi ,waxaanay sheegeen in xeer laga soo saaridoono,waxaanay sidaasi ku sheegeen shir jaraa,id oo ay maanta ku qabteen xidhibaanada golaha deegaanka Caasimada Somaliland,ee Hargaysa xarunta golaha deegaanka Caasimada ayaa waxa ay shacabka ugu baaqeen islamarkaana ay uga digeen inay ku laba noqdaan qaadashada kaadhka iyaga oo ku hanjabay in cidii lagu arko inay ku noq noqonayso qaadashada kaadhka muwaadiniinta Somaliland ay mutaysan doonto xadhig iyo Ciqaab xoogan islamarkaana laga soo saaridoono Xeer lagu Ciqaabo kaas oo ay sheegeen in hada ay golaha deegaanka Caasimadu wadaan.Xildhibaan cismaan xasan faarax (Cismaan waxar) oo hogaaminaayay tiro xildhibaano ah oo maanta kormeer ku soo maray goobaha ay ka socoto diwaan galintu qaarkood ayaa shaqaalaha goobahaasi faray inay Ciidanka Amaanka ee Booliska Gacanta u galiyaan cidii ay ku qabtaan iyada oo laba jeer isdiwaan galinaysa islamarkaana ay la soo socodsiiyaan Gudoomiyaha Degmada ka wakiilka ah si uu isaguna ugu soo gudbiyo xildhibaanada golaha deegaanka ee Caasimada Somaliland.
Waxaanu sheegay in golaha deegaanku uu ka soo saaridoono xeer cid kasta oo lagu qabto iyada oo laba goor qaadatay islamarkaana isdiwaan galisay kaas oo uu sheegay in lagu ciqaabidoono isaga oo arimahaasi ka hadlayana waxa uu yidhi.
,cidii aad ku qabataan iyada oo laba jeer is diwaan galinaysa islamarkaaba u gudbiya ciidanka Amaanka iyo Gudoomiyaha degmada, si loogu dhaadhaciyo xabsiga islamarkaana loo mariyo ciqaanbteeda,waa khal khalin in laba jeer la is diwaan galiyaa,anagu waxaanu diyaar indilanahay in aanu indinka qabno cid kasta oo hakinaysa hawha islamarkaana aanu indinka caawino wixii aad nooga baahataan gole deegaan ahaan,Cismaan waxar,
Si kastaba ahaatee hadalka xildhibanadan ayaa ku soo beegmaaya wakhti uu muuqdo habacsanaan badan oo ka jirta habsami socodka diwaan galinta madaniga iyada oo ay todobaadkana golaha Guurtida Somaliland ay hakiyeen Xeerkii Diwaan galinta oo uu hore madaxweyn Siilaanyo iyo Aqalka Wakiiladu u ansaxiyeen balse guurtida ayaa iyagu dib ugu celiyay wakiilada.
Gobanimonews.com.office
Hargaysa/Somaliland.
Mustafe Axmed(Herer)
