Burco(GNA)-Wafti ka socda Xukuumadda Somaliland oo u hogaaminaayo Xildhibaan Cali Mareexaan oo ay weheliyaan Wasiirka Ciyaaraha iyo Masuuliyiin kale, ayaa ilaa shalay ku sugnaa magaaladda Burco ka dib markii ay si qarsoodi ah oo aan laga war hayn ku yimaadeen magaalaadda.Waftigan oo dhamaantood ka soo jeeda Beesha Bariga Burco, ahna xubnaha lagu tiriyo inay ku xidhan yihiin Madaxtooyadda ,ayaa la sheegay inay kulan gaara la galeen Xubno isugu jira Cuqaal, Waxgarad iyo Aqoon yahano oo ka soo jeeda Beeshooda kaasoo la xidhiidhay xogwaran ku saabsan xaaladda Siyaasadeed ee cusub ee ku soo kordhay dalka iyo in aan beeeshu taageero siin xisbiyada UCID iyo WADANI.
Sidda wararka ku dhow dhaw shirkaasi ay tibaaxayeen, waxa shirkaasi ka hadlay Xildhibaan Cali Mareexaan kaasoo ka warbixiyey qorshahooda ku waajahan doorashooyinka wuxuuna tibaaxay inay diyaariyeen inay dib loo dhigo doorashadda muddo, laba sano aha loo kordhiyo Madaxweynaha wuxuu intaa ku daray in gudoomiyaha guurtida, Md Saleeban gaal, laga wada halay arrintan,isla markaana uu wax ka bedeli doona xeerkii diwaangelinta madaniga iyo doorashooyinka oo hadda horyaala, kadibna ku saleyn doono muddo kordhin.
Wuxuu xildhibaanku intaas ku daray in Beesha Sacad Muuse kulan ay la qaateen inay soo xulaan cidii Musharax uga noqon lahayd Xisbiga Kulmiye,taasoo aan ugu talagalnay in aan ku mushquulaan maadama aanay ku heshiin karin balse taageero u noqdaan muddo kordhin.
Wuxuu Xildhibaanku tilmaamay in qorshahooda ay ku jirto sidii musharixiinta xisbiga Kulmiye mustaqbalka uu ka mid noqdo Wasiir Xirsi, Sidaas darteed aad ka war haysaan sida xaaladuhu u socdaan.
Balse wuxuu ka dayriyey Culays iyo cadaadis badan oo kagaga imanaaya dhinaca qaadhaan bixiyayaasha.
Waxa kale oo Xildhibaanku ku daray hadalkiisa in aan wax taageero ah la siin xisbiga UCID ,lagana ilaaliyo in beeshu ku biirto, isagoo ku tilmaamay xisbigaasi inuu halis ku yahay danahooda lana qaybsanaayo taageerayaashooda galbeedka oo u hada ka helay taageero xoogan, sidoo kalena in Xisbiga WADANI laga fogaado.
Waxa kale oo Xildhibaan ku sheegay in safarkoodu ku jirto inay indha indheeyaan sida dadweynaha Burco u arkaan muddo kordhinta Madaxweynaha,anigoo ka baqdin qaba inay xaaladi ka dhalan karto.
Geesta kale waxa wararku xuseen in waftigan kulan la yeeshay Faysal Cali Waraabe, Balse Faysal Cali Waraabe ku gacan saydhay arrimaha ay kala hadleen,kuna tilmaamay inay riyoonayaan.
Wariye BJ
Burco/