Hargaysa(GNA). Kal fadhigii 8aad ee golaha deegaanka Caasimada Jamhuuriyada Somaliland,ee hargaysa oo maanta furmay ayna ka soo xaadireen 19 mudane oo ka mid xildhibaanada golaha deegaanka Caasimada Somaliland, ee Hargaysa Islamarkaana uu shir Gudoominaayay Maayirka Caasimada oo ay hareeraha ka fadhiyeen ku xigeenkiisa iyo Xoghayaha Guud ee Dawlada Hoose ee hargaysa,ayaa waxa hadheeyay Khilaaf Xoogan oo u dhexeeya xildhibaanada caasimada oo u kala qaybsamay laba qaybood oo ay kala hogaaminayaan Group uu maayirka iyo ku xigeenkiisu ay wataan iyo Group u wato Xidhibaan Cismaan Xasan Faarax( Cismaan Waxar).
Fadhigan oo loo balansanaa inuu furmo 9:00AM, Subaxnimo ayaa furmay Abaaro 11:oo AM, duhurnimo kaas oo ku furmay Caga Jiid xoogan iyo habacsanaan ka muuqatay mudanayaasha Golaha Deegaanka Caasimada oo iyagu Hoolka Shirarka gacan Qabasho lagu Soo galinaaya, iyaga oo koox koox u shiraayay .
Hadaba markii uu furmay fadhiga golaha deegaanku ayaa maayirka caasimada hargaysa ahna gudoomiyaha golaha deegaanka Somaliland mudane. C/raxmaan Maxmuud Caydiid(Soolteeko) waxa uu ku dhawaaqay Anjadaha Kal fadhiga oo ka koobaanaa Affar(4)Anjade, oo kale ahaa sidan.
1:in Wadooyinka Caasimada ee Cusub loogu magac daro Mujaahidiintii SNM, Maadaama maalinta bariya la xusaayo 17/10/ oo ah maalinta loogu magac daray Shuhaadada SNM.
2:diwaan galinta madaniga .
3:gudida Joogtada ah.
Hadaba markii uu maayir Soolteeko ku dhawaqay Anjadaha kal fadhiga 8Aad ee golaha islamarkaana uu soo jeediyay in mudanayaashu ay ka doodaan islamarkaana ay leeyahiin in wax ka badal iyo kordhiba u leeyahiin ayaa waxa fadhiga hadheeyay buuq iyo Sawaxan xoogan oo ku saabsan nidaamka maamul iyo hanaanka shaqada dawlada hoose oo ay xildhibaanada golaha qaarkood dhaliileen iyada oo doodu ka bilaabantay soo jeedin ku saabsanayd Miisaaniyada 2014 ,oo xildhibaanadu soo jeediyeen balse maayirku gaashankaa u daruuray ka dib markii uu ku war galiyay in aan la gaadhin wakhtigeedii oo aanay gaadhin taas oo xildhibaanaduna ku doodeen in xeerka golahu uu faraayo in la soo xidho mudo ka horaysa dhamaadka sannadka 3 bilood, taasina ay sababtay inuu sii kordho buuqii iyo murankii oo markii dambe horseeday in tiro xildhibaani ka baxaan hoolka shirarka iyo guud ahaan fadhigaba iyada oo uu socodo shirkii, kana baxaan guud ahaanba kal fadhiga.
Si kastaba ahaatee kal fadhiga maanta ayaa ahaa mid uu hadheeyay muran iyo khilaaf u muuqda inuu daba ku hayo mooshin ay wadaan xildhibaanada golaha qaarkood, balse waxa wali arin daahsan halka uu ku dambeyndoono khilaafkani.
Gobanimonews.office.
Hargaysa/Somaliland.
Mustafe Axmed(Herer).