Hargeysa (Gobanimonews) 10-11-201-Macdanta iyo Tamarta ee Somaliland oo dalka uga masuul ah ilaalinta iyo ka warhaynta cid kasta ama Shirkaddo Ajaanib ah oo xatooyo iyo gurasho aan sharciga Somaliland dhinac marsan ku sameynaysa Kheyraadka Badaha iyo Buurahaba dalka ceegaaaga inay talaabooyinka ku haboon wasaaraddu ka qaado balse iyada oo wasaaraddaasi musuq maasuq shirkaddo ay heshiis la gashay oon golayaasha Sharci dejinta soo marin lagu eedeeyo ayaa markii u horeysay masuul wasaaradaasi ka tirsani qiray inay hada ogaadeen shirkaddo ajaanib ah oo dalka gudihiisa macdanta ka urursada si aan sharciga waafag saneyn,Agaasimaha guud ee wasaarada macdanta iyo tamarta somaliland Siciid Axmed Jibriil ,ayaa shir Jaraa’id oo uu maanta Xafiiskiisa ku qabtay ,waxa uu hadalo is burinaaya ku sheegay inay Shirkadda African Resource Company oo laga leeyahay dalka Chine ku war heleen iyada oo dalka Macdan Baadhis iyo inay dadka ka iibsato ka wada ay ogaadeen dibaddana u dhoofinayeen in mudo ah waxana uu hadana agaasimahu si ka diwan sidaasi isla hadalkiisa ku sheegay inay sannad ka hor heshiis wasaaraddu la gashay shirkaddan heshiiskaasi oo aanu mudadiisa sheegin balse uu wax uu ugu yeedhay mudo xadidan ku tilmaamay kaga hadlay.
Ma jirto meel wasaaradda Macdantu hore ugu soo bandhigtay heshiis dhex maray shirkad la yidhaahdo African Resource Company oo Somaliland inay macdan ka baadho golayasho laga ansixiyey balse hadalkan agaasimaha ayaa noqonaaya mid cadeyn u ah inay shirkaddani sifo sharci daro ah uga shaqeynaysay guddaha dalka isla markaana aan la ogeyn cadadka iyo tiradda Macdanta ay Somaliland ka urursatay mudadda sannadka ah ee wasaaraddu qirtay inay dalka ka dhoofinaysay macdanta sharci daradda ah ee ay guraneysay mudadaasi.
Siciid Axmed Jibriil oo dhinaca kale wasaaradda uu ka tirsan yahay ee Macdanta iyo Tamarta Somaliland dad weynaha Deegaanka Galbeedka ee Somaliland ku eedeynayaan inay wasaaraddu daayacday isla markaana wax ka qaban weyday Shirkaddo si sharci daro ah Kheyraadka Macdanta ee deegaanaddaasi u raranaaya ayaa si indho la’aan ah u weeraray qeylo dhaanta ka soo yeedhaysa Madax dhaqameedka , Salaadiinta iyo Aqoonyahanka muwaadiniinta reer Awdal .
Agaasimaha guud ee wasaarada macdanta iyo tamarta somaliland Md Siciid Axmed Jibriil oo shirkaasi Jaraa’id ee uu Xafiiskiisa Hargeysa ku qabtay ayaa si qiraal ah warbaahinta ugu soo bandhigaayey Shirkadda Afrikan Resource Company ee sida qarsoodiga ah gudaha Somaliland Macdan Qodista uga waday ka hadlaayey waxa uu yidhi
“Shirkadan Chinese-ka ah waxa la yidhaa ARC (African Resource Company) mudo badan ayaanu dagaanaa wadanka, mudadaasna waxa uu ka shaqaynayey hawlo ganacsi oo u gaar ah iyo inuu dadkeena macdan qodayaasha ah ka iibsado waxyaalaha yar yar ee ay meelahaas ka qodaan dabadeedna uu dhoofiyo, wasaaradu markii ay hawlahaas ogaatay waxay la xidhiidhay shirkadan, waxaanay shirkadani soo bandhigtay inuu xiisaynayo inuu wadanka macdan ka soo saaro,”
Siciid Axmed Jibriil markii intaasi ay ka soo fakatay ka dib hadana isaga oo is burinaaya waxa uu u booday inay hadana shirkadan sanad ka hor wasaaradda Macdantu u ogolaatay macdan qodista oo wax uu qoraal xadidan ku sheegay siiyeen inay macdan qodis aan hay’addaha sharci dejinta ee golaha wakiiladda aan soo marin ay siiyeen iyagu waxana uu yidhi “Waxa wasaaradu ogolaatay inuu sameeyo sanadkii 2013-kii qodaal xadidan, qoraalkaas oo uu ku ogaanayo nooca macdanta iyo kaydka macdanta ee meeshaas ku jiro, meesha laga qodayaana waa meesha la yidhaa Caduurada,sidaas ayaanu company-gu ku yimid dalka sidaas ayaanu ku bilaabay hawsha mudo sanad ahna wuu waday ”
Ugu dambeyntii waxa marag madoon hadalkan agaasimaha guud ee wasaaradda Macdanta iyo Tamartu uu shaaciyey ay uu ka markhaati kacayaa oo muujinaaya sida heshiisyada qarsoodiga ah ee musuq maasuqu ka buuxo ee shacabka reer Somaliland laga qariyey ee loo sheegin golaha sharci dejinta ee wakiiladdana aan la horkeenin ay masuuliyiinta wasaaradda Macdantu cid kasta oo ay iyagu doonaan ay ula galaan iyaga oo sharcigii dalka ku tumanaaya kana faa’iideysanaaya awoodaha iyo xilalka ay qaranka u hayaan ay si guracan u adeegsanayaan waxana loo baahan yahay inay shacabku ku baraarugaan boobkan cad ee sharci darada ah ee masuuliyiinta wasaaradda Macdantu kula kacayaan kheyraadkii dalka ee umaddu wada la heyd oo jeebado shaqsiyaad gaar ahi ay kiishado u tosheen.
Hargeysa Office/Somaliland