xasan sheikh oo walaac ka muujiyay xaalad nololeed[/caption]Kooxda Alshabaab ayaa barta Internet,waxay ku shaaciyeen inay madaafiic ku garaaceen Diyaarad uu la socday madaxweynaha Soomaliya Xasan Sheikh Maxamuud oo saakay Booqasho ku tegay Degmada Dhawaan Gacanta alshabaab ka baxday ee Baraawe.
Alshabaab ayaa sheegtay in diyaaradii Madaxweynaha Siday u weecatay dhinaca Badda cad, waxa warkaasi beeniyay Guddoomiyaha Degmada Baraawe iyo saraakiil kale oo dawladda ah oo sheegay in weftiga madaxweynuhu si nabad ah ku soo gaareen Magaalada Baraawe.
Madaxweyne Xasan Sheikh Maxamuud ayaa la sheegay inuu magaalada Baraawe ka bilaabay kulamo uu la yeelanayo qaybaha bulshada iyo Masuuliyiinta dawladda ee Gobolka iyo Degmada.
Dad goob-joogeyaal ah ayaa sheegay in madaxweynaha si diiran loogu soo dhaweeyay gudaha Magaalada, uuna socod ku dhex maray.
Wariyeyaasheena la socda weftiga ayaa soo sheegaya in xaalada amniga magaaladu ay haatan degentahay, isla markaana ay sugayaan Ciidamada Dawladda oo Kaashanaya kuwa AMISOM.
la soco warkan iyo sawirro goor dhow....