Maanta oo ay taariikhdu tahay 04/12/2013 waxay Abwaan koos Jaamac Dhunkaal ay soo saartay Gabay la magac baxay Duufaan oo ka hadlaaya Aafada Tahriibtu ay ku hayso dhalinta Somaliyeed meel ay joogaanba,
Duufaan baa ina soo galay
ka ducaysta daraf yada
Horta dulucda maansada
dadka hay ila eegaan
Damqashada xanuunka leh anuunbaa
dareemee da’a yartaydu may garan
meeday dawladaydii dus-dusliyo af miishaar
raggii doobta dheeraa dhaliilaha daldali jiray
maxaan loo dareemayn da’yartaa
dhamaatee dilaaliintu qaybsheen
Haadu diiranaysee lagu daadshay saxaraha.
Daa’inow Allahayow Deeqlow Illaahow
Daayimal Raxmaanow
Darajaalihiyow dunidaba ka uumee
hadana daadajinayow dagdeg ii ajiiboo
Dalabkayga iga yeel Da’yartaa dhamaatee
haadu diiranayso iimaanka deeqsii oo dalka iigu soo celi .
Waa lagu haleeyee hooyo
Waa lagu hagraday hooyo
Waan laguu hadlayne hooyo
Hanfi kuma haleeleen hooyo
Haadu kuma dal dalateen hooyo
Ma hadh galo habeenkii hooyo
Dharaartii ma haybsadee hooyo
Hurdo seexan waayay hooyo
Ana hawdka ha igelin hooyo
Adna haada ha u tagin hooyo
Waa halis tahriibtuye hooyo
Waa hoyga naartee hooyo
Waa holac baxaayee hooyo
Waa horor ku cunaayee hooyo
Anna halista ha igo’oyn hooyo
Adna haada haw u tagin hooyo
Waa hodon dhulkeeni ee hooyo
Waa lama huraane hooyo
Waa heli aduunyo hooyo
Waa halaagii doonta hooyo
Anna hawdka ha i galin hooyo
Adna haada ha u tagin hooyo
Waxaad tahay hugaygii hooyo
Halbowlaha wadnaha hooyo
Beerkayga laga hugay hooyo
Ana halista ha i goyn hooyo
Adna haada ha u tagin hooyo
waa hodon dhulkeenu hooyo
waa lama huraane hooyo
hanfi iyo dabayl ma leh hooyo
horor iyo dabqaad ma leh hooyo
diintaada hodonka ah waa inaad ku hirtaa hooyo
Adna haada ha u tagin hooyo
Ana halista ha i goyn hooyo