Tababaraha Faransiiska ah ee Herve Renard ayaa loo magacaabay inuu noqdo tababaraha cusub ee xulka qaranka Ivory Coast.
Renard ayaa jagadan ka badalaya Sabri Lamouchi, oo shaqada ka tagay kadib tartankii koobka aduunka, Waxaanu tababarahan reer France shaqada xulalka ku soo noqonayaa kadib sagaal bilood oo uu soo laylinayay naadiga France ka dhisan ee Sochaux.
Macalinkan 45 jirka ah oo laba goor soo maray shaqada tababarenimo ee xulka Zambia ayaa qarankaasi u horseeday inay ku guulaystaan horyaalkii qaramada qaarada Afrika ee 2012-dii.herve
Guusha koobka qaarada Afrika ayaa u horseeday in lagu aamino xulka Maroodiyaasha Afrika lagu naanayso taas oo uu kaga adkaaday ragii kula tartamayay oo kala ahaa Frederic Antonetti iyo tababaraha Portuguese ka ah ee Manuel Jose.
