Kooxda Tababare Simeone ayaa dhulka la dhacday kooxda reer London ee Chelsea iyo tababare Mourinho kadib markii ay xallay ku khaarajisay 1-3 (1-4 agg) garoonka The Blues ee Stamford Bridge.
Weeraryahanada Costa, Adrian iyo Turan ayaa cirka ku laalay rajadii Chelsea ka qabtay inay markii saddexaad qaado horyaalka Yurub, soona dhaweeyey Rajada Atletico Madrid ee inay taariikhda markii koowaad isku daydo inay la huleesho koobka naadiyada qaarada Yurub.
Qaybtii koowaad nasashadii ayaa loo baxay , labada kooxoodna waxay leeyihiin 1-1 . barbardhac
Kooxda Chelsea ayaa ku horeysay goolka oo daqiiqadii 36aad uu u dhaliyey weeraryahan Fernando Torres, laakiin kagama badan Atletico 10 daqiiqo kadib inay la timaado goolkii barbar dhaca oo uu daqiiqadii 44 aad u saxeexay ciyaaryahanka Adrian.
Isku soo laabadkii dambe ee ciyaarta laba gool oo kale ayay dhashatay Atletico Madrid.
Guusha Atletico, ayaa xaqiijiyay in Koobkani u guuro dalka Spain oo ay final-ka u fadhiday Kooxda Real Madrid ee ay kooxdan isku dalka yihiin.
Real ayaa xalay si fool xun u reebtay Kooxda Bayern Munich, oo ay isku soo hagaageen Faynalka.
Bayern ayaa lagu caraabiyay afar Gool iyo waxba.