Wariyihii BBC-da ee Burco oo Xil looga Magacaabay Wasaaradda Warfaafinta iyo Isku shaandheyn lagu magacaabay 49 Agaasime waaxeed
Wareegto ka soo baxday Xafiiska Wasiirka Maanta oo Salaasa ah, ayaa Tafaftiraha Guud ee warbaahinta dawladda loogu magacaabay Wariyihii Magaalada Burco ee Iddeecada BBC-da Xuseen Aw Jaamac Jibriil Xagar, xilkaasoo laga qaaday madaxii hore ee wararka ee Telefishanka Dawladda Maxamed Xuseen Cali.
Maxamed Xuseen Cali ayaa sanadkii hore waxa xilkii Madaxa wararka ka qaaday Khadar Cali Gaas oo Maareeyaha Telefishanka ah.
Wasiir Cukuse ayaa wareegtada Isku shaandheynta oo uu ku magacaabay 49 Madax-qeybeed oo isugu jira Maamul, Farsamo iyo ku-xigeenno, kuwaasoo qaarkood xilalka ku cusubyihiin qaarna hore u hayeen xilal kale.
Wareegtada ayaa lagu yidhi sidan: “Anigaoo ah Wasiirka Wasaarada Warfaafinta Dhaqanka iyo Wacyigelinta ee Jamuuriyada Somaliland,waxaaan halkan ku soo saarayaa iskushaadhayn Waaxaha
Wasaarada aniga oo tixgalinaya ahmiyada wayn ee ay Qaranka u leedahay Wasaarada Warfaafinta Dhaqanka iyo Wacyigalinta.
Waxa waajib Qaran ah in la helo shaqaale tayo sare leh si ay u gudato waajibaadka Qaranka ay masuulka uga tahay.
Sidaa daraadeed, waxaan idinla socodsiinayaa in laga bilaabo maanta oo ay taariikhdu tahay 14/04/2014 aan magacaabis xilal cusub iyo dib u magacaabis u sameeyay waaxaha Wasaarada ee hoos ku xusan:-
Magacyada Masuuliyiinta laysku bedelay
1. Agaasimaha Maamulka, Maxamed Sh. Maxamed Cawaale
2. Agaasimaha Farsamada, Eng. Axmed Saleebaan Wayne
3. Agaasimaha Idaacada, Siciid Aadan Cigge
4. Agaasimaha Qosrshaynta iyo Wacyigelinta Axmed Ismaaciil Xuseen “Cirro”
5. Agaasimaha Waaxda Dhaqanka Cabdi Maxamed Jaamac
6. Gudoomiyaha DAWAN Maxamed Cisman Mirre
7. Gudoomiyaha Solna Xusseen Aadan Yuusuf
8. Agaasime kuxigeen Farsamada C/laahi Aadan Maxamed
9. Gudoomiye kuxigeenka Solna Yuusuf Maxamed Ismaacil
10. Gudoomiye kuxigeenka DAWAN Cumar Maxamed Aw Faarax
11. Madaxa Wararka TV-ga Maxamed Saciid Muxumed
12. Madaxa shaqaalaha Mawliid Maxamed shaqale
13. Tafatiraha Guud ee TV-ga Xuseen Jaamac Jibriil (Xagar)
14. KaaliyahaTIfatiraha Guud ee TV-ga Maxamed Xuseen Cali
15. Madaxa Barmaamujyada TV-ga Xuseen C/laahi Deeqsi
16. Madaxa Editorka IsmacIil Maxamed Cakuule
17. Xisaabiyaha Wasaarada C/rashiid Daahir Cali
18. Madaxa Kaydka TV-ga AxmedJaamacFaarax
19. Ku xigeenkaMadaxa Kaydka Axmed Aare
20. Madax aBakhaarka (Store) Maxamed Maxamuud Burgal
21. Kaaliyaha Bakhaarka (Store) MustafeYuusuf Ibraahim
22. Madaxa Qorshaynta Salma C/raxmaan Sheekh
23. Madaxa Wacyigalinta Jaamac Ismaaciil Xayd
24. Madaxa Barmaamijyada Radio Hargeysa Khadar Max’ed Cakuule
25. Ku xigeenka MadaxaBarmaajyada Radio Hargeisa Faysa Cali Xuseen
26. Madaxa kaydka Idaacada Nimco Rooble Faarax
27. Madaxa Online ka Safiya Cali Yuusuf
28. Madaxa Gaadiidka Maxamed Axmed Cali “Curi”
29. Madaxa laydhka iy oMishiinada Jaamac Axmed Faarax
30. Madaxa Warlaliska Idaacada Cabdi Aadan Ismaaciil
31. Madaxa Istuudyaha Idaacadda Maxamed Jaamac Cigaal (Jarmal)
32. Madaxa Isku Xidhka istuudiyaha iyo Warlaliska MaxamedCabdi Idiris
33. Madaxa Idaacada quraanka Maxamed Axmed Cabdilaahi “Shabeel”
34. Madaxa Farsamada Idaacada Quraanka Maxamed Axmed Cali “M.Deeq”
35. Madaxa Tafatiraha Englishka TV-ga Aadan Maxamed Cismaan
36. MadaxaTafatirahaCarabiga TV-gaAxmedXasanAadan
37. Madaxa Dukmanteriga C/qani Xasan Faarax
38. Madaxa Baahinta Dibada TV-ga Axmed Maxamed C/raxmaan “Ugaas”
39. Madaxa Baahinta Gudaha TV-ga Sidiiq Ismaaciil Axmed
40. Ku-xigeenka Madaxa Barnaamijyada TV-ga C/risaaq Cismaan Maxamed
41. Madaxa Warlaliska TV-ga Nuur Cumar Jaamac
42. Madaxa IT-ga Wasaarada Xuseen Cali Caraale
43. Ku- xigeenka Madaxa Satalliteka Maxamed Yuusuf Dhamac
44. Ku xigeenka Madaxa Wararka TV-ga Cali AxmedCawaale “Canadhame”
45. Madaxa Studio-yaha TV-ga Xasan Maxamed Jaamac “Panaroma”
46. Ku xigeenka Madaxa Studio-yahaTv-ga Sharmaarke Maxamed Faarax
47. Madaxa Kamaramanada (Cameraman) Axmed Xuseen Warsame
48. Ku-xigeenka Madaxa Wacyigalinta Nafiisa Maxamed Xuseen
49. Madaxa Monitoringka TV-ga Axmed Saxardiid Xirsi
Waxaan idiin rajaynayaa in aad si xilkasnimo leh uga soo bixi doontaan howsha la idiin igmaday.
Sidaa iyo wada shaqayn wacan. Allaa Mahad Leh”
Qaab dhismeed hore
Isku shaandheynta wasiir cukuse sameeyay ayaa ah tii ugu miisaanka cuslayd ee lagu sameeyo madaxda Wasaarrada, wixii ka dambeeyay markii uu Wasaaradda Wasiirka ka ahaa Cabdilaahi Jaamac Cismaan Geel-jire oo markii xukuumadda siilanayo talada la wareegtay agaasime waaxeedyo badan magacaabay.
Laakiinse xiligaasi Wasiirka hore muu faro gelin Madaxqaybeedyada Telefishanka Dawladda oo ah Laan maamulkeedu ka madaxbanaanyahay Wasiirka, balse siyaasad ahaan uun hoos timaada.
Talaabada Wasiir Cukuse qaaday ayaa meesha ka saaraysa Masuuliyadda Maamulka Telefishanka Qaran oo Maareeye iyo Maareeye ku-xigeen Madaxweyne Siilaanyo magacaabay haystaan.
Madaxweynaha Somaliland Axmed Maxamed Maxamuud Siilaanyo ayaa sanadkii hore Wareegto Madaxweyne Telefishanka kaga dhigay Laan madaxbanaan oo Xeer, Maamul iyo qaab-dhismeed ka madaxbanaan Wasiirka Warfaafinta Telefishanka Qaranka.
Sidaasi darteed, isku shaandheynta Madaxda Wasaaradda iyo Telefishanka lagu sameeyay ayaa ah mid ka hor imanaysa, isla markaana meesha ka saaraysa Madaxbanaanida Telefishanka iyo go’aankii Madaxweyne Siilaanyo ka qaatay.
Maamulka Telefishanka
Ma jiro wax war ah oo ka soo baxay Maamulka Telefishanka Qaranka oo la xidhiidha aragtiddooda ku saabsan talaabada Wasiirku qaaday oo loo fasiran karo mid uu doonayo inuu kaga takhaluso Maareeyaha Tv-ga oo muddo dheer khilaaf ka dhexeeyay.
Khilaafka labada Masuul ayaa hore u sameeyay habsami u socodka Shaqada laamaha Warbaahinta dawladda, kaddib markii ay labada dhinac isu adeegsadeen Shaqaalaha kala duwan oo la kala saftay.
Si kastaba ha ahaatee waxa lays weydiinayaa waxa xigi doona talaabada wasiirku isku shaandheynta ku sameeyay.
Gobanimonews
Hargeysa Office
Email: editor@gobanimonews.com