|
o Gabay dowshadii nacay
o Denbigiisa maan rabin
o Duunkana kumaan hayn
o Waase lay dal banayaa
o Dawanbaa la lulayaa
o Durbaan baa la tumayaa
o Dareemaa la gubayaa
o Duurbaa la shidayaa
o Dhamac iyo dan baaburo
o Duul duulayaa jira
o Ana dooddan muranka leh
o Shaxdan foodda lays daray
o Doonyaystay oo imi
o Hadal waliba dulucdii
o Hanad waliba doorkii
o Darmaan waliba orodkeed
o Duddo waliba ooddeed
o Darbo waliba xooggeed
o Nabar waliba doogtii
o Dakhar waliba eelkii
o Tog waliba dayaankii
o Candho waliba dararteed
o Dermo waliba baaceed
o Gudin waliba daabkeed
o Dirac waliba libintii
o Dur dur waliba maaxdii
o Degal waliba niradii
o Duqay waliba goynteed
o Beer waliba dalageed
o Duco waliba sheekheed
o Dahri waliba qaadkii
o Daabax waliba sarartii
o Deeq waliba hadafkeed
o Doobi waliba xoorkii
o Dunji waliba siidhkii
o Dowlada waliba madaxdeed
o Ninba daacad nimadii
o Waxa uurka ugu daban
o Alle daalacdaa jira
o Afartaa xikmado dedan
o Daalacana noqon kara
o Iyo duur xul sogor dohan
o Ma ku dhaafay duuduub
o Hal kalaan ku darayaa
o Inan dibada meertoo
o Gurigooda diiddaa
o Doob soo hujuumiyo
o Daandaansi waa u halis
o Doonida xagaagii
o Mawjadiyo duufaan
o Iska dulun dulcaysaa
o Dabayl legadda waa u halis
o Nin habeen daruur loon
o Dayax jirin saqdhexe guday
o Durqun bahal qaniiniyo
o Mici daallin waa u halis
o Ninka diinta caayee
o Danbiyada kabaa’ira
o Ka dabeecad yeeshaa
o Daayin cadhadii waa u halis
o Koran morohda diirtaa
o Hadduu doob is kala guro
o Inuu baar qab daylani
o Dal dalliigo waa halis
o Afaray ku daaq taga
o Baayd-gaabka daabacay
o Inuu daadka hal abuur
o Ku dayoobo waa halis
o Deelayda maantana
o Ninba garashadii duul
o Nin xarrago damaashaad
o Dacwadiisa qaran gee
o Dakanooyin laga galay
o Umadda ugu doon-doon
o Fursadiiisa dahabka ah
o Ma dayacine faa’iid
o Rag qabiil u digo rogay
o Ku dabbaalay dhiidhiga
o Isagoo rag dilayuu
o Daayeer ku ciil baxay
o Doxoshlaha u maah maah
o Heelliyo dirkeeduu
o Ka xarrimay dugaagii
o Dubur iyo wax sheeg sheeg
o Degmo taalla fara gali
o Afka cudur ka soo daa
o Daacuuno hidho kace
o Malax iyo tuf dacar dhiig
o Dab caloosha kaga shidan
o Dibnihiisa soo mari
o Alle doori qaafada
o Duco yeelka mudanka ah
o Ahlu diinka sharafta leh
o Culimada ducaadee
o Ifka daarta aakhiro
o Dar alle uga saahiday
o Dumadooda eedee
o Wuxuu dacow libaaxyada
o Isagoon la dir ahayn
o Uga dabo dhawaaqaa
o Waa derajo raacdayn
o Ninka mamaca deynka ah
o Hirdinta u diyaarsday
o Haku madax dayaamee
o Dardartiisu meeshay
o Ku danbayso la arkee
o Gasariirta diginta ah
o Marna dowlis lagu riday
o Biyo kuuma soo daro
o Dirri babaca roob helay
o Doog iyo muleeniyo
o Kama saaro doomaar
o Nin qalbiga damiin ka ah
o Haduu daaci ku adimo
o Ilayn hadalku kuma duxo
o Dad alloow cadduur weli
o Dhowdhowdii kama degin
o Gabadhii la dayrshee
o La dalaaqay waa maxay
o Doobigay aslaysaa
o Wadhaf dacawo jabisaa
o Dhirta looga diirtee
o Inuu duudka kaga dhaco
o Shimbirtu u dhug daranaa
o Dalqo nibiri ruux galay
o Ashahaadda daankiyo
o Dibnaa ku xeji maayoo
o Ma dar-daaran baa u hadhay
o Nin la yidhi na daadihi
o Diinna igu maamula
o Xaqna waan dalbanayaa
o Haye debacsan mooyee
o Ma dariiq kalaa u furan
o Balse kooxda duubka leh
o Wixii muusanoow dumar
o Ka yimaada deelqaaf
o Haba loo dul qaatee
o Sange daallan geenyadu
o Hayskaga durdurisee
o Wakhtigaa u dabraayee
o Duuflaalkan waa maxay?
o Kooraba la duubyaa
o Shalmad dacalka haystaa
o Raggan aan daraadiyo
o Oday daan cirrooliyo
o Dulcaddiyo yar iyo weyn
o Isu deysta garaneyn
o Dabcigoodu waa maxay?
o Risiq lagu dullooboo
o Xaaraanta duufka ah
o Waxa jira u diir tiran
o Diintuna banaynayn
o Nin cunaana dagal ba’o
o Balsde dooca aadame
o Duwanaansho badanaa
o Bakhtigaa duddada-yaal
o Inay dab u dhardhaartaan
o Dookhoogu niman uu
o Ku duquulayaa jira
o Sida waaye doxorradan
o Mayd yaa u danbeeyiyo
o Hadda kaa diyaarka ah
o Aragtee dadweynow
o Raggan digada dhiriqda leh
o Carrabada darsanayaa
o Hiirtaanyo daaciyo
o Doogaha qabiilkiyo
o Naxligay daldalayaan
o Ma wax ruux damiir lihi
o Kula doodi karayaa?
o Nimankani ma day day
o Laaluushka daqaa?
o Ma caruur la dirayaa?
o Ma dangalo masayrtaa?
o Abtirsiimo dacar lehe
o Ma qabiil u dirirbaa?
o Dani seeto weyee
o Dabatiyo ma caydhbaa?
o Ma kuwii dad-qalatada
o Ku dugaadhanaayee
o AXMED GEEDI durayaa?
o Afartaa halba udaa
o Dukhsi meesha nabarka ah
o Haddii loogu daray calaf
o Muxuu kaga dikhoodaa ?
o Sowkii danabkii IIDAAN
o DEELAY ku yidhi beri
o Danbi ma leh nin baahani
o Miyay dananka faraskiyo
o Dameer ciyay sinaaadaan
o Niman yahow dir raaraco
o Mar kastuu xaq daakiro
o Waa maxay danaanigu?
o Ma caroog la daaruu
o Eedaan ku damayaa ?
o Ma kaneeco duushuu
o Maroodigu dareemaa?
o Daanyeer miyuu Aar
o Dirir ugu badheedhaa?
o Baddu mudacyo lagu dayo
o Ka dubaalad dheeraa
o Cirka waranka loo diray
o Dusha joogi maayoo
o Daruur dhagax ma gaadhee
o Cidkalaad la damacdaye
o Yaanuu dakhku ku dhicin
o Afartaana daajaye
o Sida ramadka dalawada
o Gorof loogu dowdabo
o Ana deercad ii dhalay
o Maraqaan ku dagagaray
o Ma ka furay dabeedada
o Waa daacad MAANSADU
o Daaraan cillada ma leh
o Mixnad iyo dirsooc ma leh
o Is dacaayadayn ma leh
o Dowdhaaf xad-gudub ma leh
o Dumin iyo colaad ma leh
o Dirodiriyo rabash ma leh
o Xeelado dahsoon ma leh
o Diinaar u xilashiyo
o Taayadu dillaal ma leh
o Damrad lagu ugaadhiyo
o Dabbaal joogtadii ma leh
o Daris kala fogay ma leh
o Danyaray u hiil tahay
o Waxse loogu dow galay
o Nin uu malabka doocaan
o Udhadhamaayo deebaaq
o GARBO DIIRI waa damal
o Waa la hadhsan doonaa
o Ilaa daa’in abidkeed
o Kay nabad la doorshiyo
o La ahaatay duumada
o Isagaa danbiile ah
o Inuu kiisku dooxmoo
o La dacweeyo ma oggala
o Khayraadka darariyo
o Ciiddeena dahabka ah
o Badaheena wada dihin
o Dakhliyo cashuuraha
o Hooyada dan layda ah
o Dhididkeeda da‘aya ah
o Dekediyo madaarkiyo
o Waddo lagu daryeeliyo
o Dayactirid ha joogtee
o Hadday deeqdu boqol tahay
o Tobanbaa dirqiyo hawl
o Kun barnaamij dayroow
o Lagu daa daheeyaa
o Shicibkana sagaal door
o Shaashadaha dowliga
o Laga daawad siiyaa
o Inta kalena duhurka cad
o Iyadoo dersinabay
o Diigaanyo leeftaa
o Raga kiishka dabada la’a
o Xoolaha dadweynaha
o Disayee ka buuxsaday
o Daah nagama saarree
o Waa deyn la qorayaa
o Waanadu dubaaqiyo
o Dhagaha u daloolay
o Darab kala macaantee
o Bal maxaad dafirayahay
o Qofka dowga kugu haga
o U dan baabidhaysaa?
o Waar-yaahe kama dare
o Qofka adiga kuu digay
o Ma belaayo doonbaa?
o Ma dilbaa nasteexadu
o Ma dagaal sokeeyaa?
o Cirsan-yeedh habeen dama
o Dalmarow ka ciyay hawd
o Kollay dhiillo damaqdiyo
o Dareen taabad baa jira
o Danbaay reero guuraan
o Layligu deggani ma leh
o Falalow ma daahiro
o Dhagar qabe digtoonaa
o Fulay daymo badanaa
o Adhiyahow dibbiraday
o Didmo kuula socotee
o Wax ku daaray maan-garan
o Meeshuna duleedkii
o Derrintaada weeyoo
o Dulin kuma eryanayee
o Waxan saanta dibigiyo
o Daasadaha kuu tumay
o Anna waa iga maan dadan
o Afartaana dacallada
o Sida laba deryaalaha
o Dadab ma isku sigib-tiray
o Dedka dhigaha ma u simay
o Harar iyo darfoolay
o Daafaha ma kaga taxay
o Midna laba daraad laha
o Haddaan hoos u sii dago
o Anaa dowladnimada leh
o Dool noogumay iman
o Doorashay ku timi xora
o Waa qaran distuuriya
o Daan qudhana maahee
o Dadku wuu u siman yahay
o Dugsigeedu aniguu
o ii yahay dallaalimo
o Gol-dalooladeedana
o Haddaan doonta looxyada
o Dakhalkeeda la adkayn
o Weynala dagaysaa
o Markaan faraska deegiyo
o Hasha doobir ku idhaa
o Duullaanku waa maxay?
o Sidoy daabbadaydii
o Duul iga xigsanayaan
o Waa maxay dullaysigu?
o Innamadan deg-degayee
o Reernimada daarrani
o Maxay noogu dudayaan?
o Dalka madaxda talisaa
o Qadhaan duleediyo
o Ma diyay la bixiyaan?
o Haddan garab ku daaqiyo
o Ildabaano kale jirin
o Danbas dhuxuli saarnayn
o Xaggee laga damqanayaa
o Laysaga daloolaa?
o Horta sow digreetan
o Dalabtiyo janjeedhka leh
o Sida wax u dellegan yiin
o Dilladeeda lama helin
o Ma cadceedda duhurkay
o Sacabbadu daboolaan?
o Dalcad gaadhi marayaa
o Laba darawal kuma galo
o Qaranimadan dacarow
o Laynaga bahdilayee
o Doorsoontay waa maxay?
o Dibow iyo ma-gumarbaan
o Damal mooday hoosa ah
o Hadh dacaarku waa maxay?
o Haku dararo baan geel
o Daranta u waraabshaye
o Waa maxay ka daristuna?
o Daayinow Allahayow
o Dalka noo barwaaqee
o Deeqdaada noo fidi
o IL cadaawe naga dayr
o Wax la diido naga hay
Doodiina kaga baxay
AmiiiiiiiiiiiiiiiiiiiiiiiiiiiiiiiN………AmiiiiiiiiiiiiiiiiiiiiiiiiiiiiiiiiiN
 |